Singer Cungchin Van Nii nih A Hohmanh Kai ngam Lo nak Lungpang ah A Kai i Lungthi A Lak lio Video A Hmurih Lo Mi Caah Tihnung Taktak (+Video)

Hlasakthiam Cungchin Van Nii nih lungpang cung ah lungthi a laklio video a postmi cu zohtu an tam i a zohtu poah a tih lo le a thladup lo te an um lo .Pu Cungchin Van Nii hi hlasakthiam a si i Pathian biachim zong ah Bawipa mi hman ngai pakhat a si fawn . Hlasak lawng hlah maw a thiam tiah mipi nih rak ruah lio ah zapi nih tuah khawh lo mi le a fawi bak lo mi lungpang cung i lungthi lak a thiam ning cu khuaruah har a si .

Lungthi a lak nak lungpang hi a sang taktak i zapi cu phaisa tampi pek hmanh in kaingam ding a si lo . Culawng silo in lungthi a la ve lengmang tawnmi hna an kai ngam lo nak lungpang tiang a kai i a phone ai ken rih i amah tein video ai record pah rih . “Pawcawm nak caah cun zeirian hmanh hi a rak fawi lo ee , hi rian zong hi ka duh ruang le ka huam ruang ah a si hrim lo pawcawm nak ca a si i kai zuam ve mi a si ko eee .”

“Bawipa nih a ka ven caah tu ni tiang cu ka nunnak a him i hmailei zong ah a mah Bawipa nih a ka venzungzal ko lai tiah ka zumh ko ” tiah a mah Cungchin Van Nii nih cun a chim .A lungthi lak mi hi thildang he cawh lo bak mi a sit bak a si caah khaini durkhat ah Ks.10,000 a hauh i a duhtu an tam taktak i a cahtu zong an um len .

Bawipa tu nih a cawlcanghnak ah veng hram ko seh . Atanglei ah lungpang cung i lungthi a lak lio video a um i a zoh duhmi nih zoh khawh dingin kan rak chiah chih .

Be the first to comment

Leave a Reply

Your email address will not be published.