Singer Po Po Cu Tu Zing Ah Khan, Kawl Ral Hrang Hna Nih An Tlaih Ve Cang.

Hlasak thiam mi le min thangbuk asi mi Po Poh Cu nithai zaing ah khan,Kawl ralkap le Police hna nih cun, a um nak inn ah an tlaih ve cang tiah theih asi.Hi bantuk in an tlaih nak hi,amah vanchiat silengah,a ralrin lo ruang zawng ah a si fawn tiah Mizzima nih cun a langhter.

Po Po hi, ralkap nih tlaih ding in, a min an rak langhter mi a si cang caah,amh um nak inn zawng ah a um ngam lo i, ka dang ah sau pi a thup cang mi asi.sihmanhsehlaw, nithai zingah an inn ah,amah herh bau mi thilri lak ding in a kal i, sau zawng a um hmanh rih lo tiah cun Police le ralkap cu an inn ah an lut i an tlai cawlh ve ko tiah theih asi.

An tlaih hnu hin, Police cun,sakhan ah an kalpi i, pohmah (505) in taza cuai a si tiah an chim.kawl ralkap hna nih hin,lemcang thiam mi hna le hlasak thiam mi hna pawl hi,thlaih dih ding in an min cazin a rak chiah dih cang hna.

Kawl ralkap konglam hi chim zawngah ning zak tuk an si dih ko.an konglam nih hin vawlei cung ram kip a cul dih cang.a ttha lei in chim ding zei hmanh tuanbia an ngei lo.mithil fiar le tlaih hrem,inn khangh ti bantuk lawng tein an khat dih ko.Mipi nih hin,an kan duh ti lo ti an theih ko nain,an ti hramhram ko cang.

Hi bantuk an tlaih mi hna poh poh cu anmah ralkap nih an sermi pohmah (505) in taza an cuai dih hna tiah theih asi.Hi bantuk minung hna nih ram pakhat asi mi kan uk lai tiah an ni timh mi hi cu, ningzak tuk asi ko.

Credit : Mizzima.

Be the first to comment

Leave a Reply

Your email address will not be published.


*