Sizung i Rian Ttuan Mi Hna Cu,Kawlram Police Nih Tlaih Ani Timh Hna I,An Mah Police Tu An Zam.

Magway Ramthen, Pakokku Pyituh Siizung chungah February 12 zaanlei suimilaam 3:20pm hrawngah Palik Motor pakhat a rak phak caah Mipi pawl tam taktak nih an rak chuah hnawh cawlh ve hna i, Palik pawl cu an Motor in an zaam than cawlh tiah theih a si.

Pakokku Pyituh Siizung Ngandamnak lei riantuan pakhat nih”Palik pawl cu Motor pakhat in Siizungah an rak phan. Hriamnam zong an i ken dih. Ngandamnak riantuantu tlaih ruah ah a rak phan mi an si kho ko. Mizaw an rak pi mi zong a um lo. Cu caah Mipi pawl nih an chuah hnawh cawlh hna i, an but dih hna caah Palik pawl cu an Motor in an zaam cawlh than tiah” a chim.

Pakokku Pyituh Siizung Ngandamnak lei riantuantu cheukhat cu Ralkap nih Nawlngeihnak an lak mi cu an cohlang ve hrimhrim lo. Ralkap uk duh lo nak langhternak ah CDM ah ai tel mi an tampi ve. CDM ah ai tel mi dih lak hi fianghlangten langhternak cu a um lo.

Be the first to comment

Leave a Reply

Your email address will not be published.