Sualnak A Ngei Lo Mi Kan Lai Nu,Mai Yatana Aung Cu Sandah Piak Ruang Ah An Tlaih Ve Cang.

Kawlram i Sandah piak nak ruangah a thi mi le an tlaih mi hna an um pah len cang. Hi hna lakah hin kan lai nu a si mi le CURS i secretary a ttuan lio mi Mai Yatana Aung cu nizan 9/2/2021 ah khan a umnak inn ah police nih ankal hnawh i an va tlaih ve cang tiah theih asi. Yatana cu police nih cun zan suimilam 8:45 pm hrawngah a mah umnak inn ah an va tlaih hi asi.

CURS Secretary a silio mi Yatana Aung an tlaihnak kong he pehtlaih in a nu nih a chimnak ah cun,Police pawl hna cu kan umnak inn ah an ra i,an rak tlaih ko tiin a chim. zeiruangah dah nan tlaih nak asi tiin ka van haltik hna ah cun, zeihmanh sualnak a tuah lo mi ka fanu cu, sandah piaknak ruangah kan tlaih mi asi tiin an ka ti i, zeitin hmanh in ka chanh khawh tilo caah cun ankal pi ko tiin ngeihchia ngai in a chim.

Hi tubantuk in ka fanu sualnak ngei lo mi anka tlaih piak tikah hin,ka lung retheih le ka lungfak cu ka cerh hrimhrim lo tiin a chim. Yatana Aung hi CURS i a ttuan mi long silo in, Ann khua ah hin,rian ttuan mi pakhat zawng asi fawn.Hi bantuk in zeihmanh sualnak zawng a ngei lo mi le sandah piak ruang i police nih an tlaih mi konglam ah hin,CURS hna nih cun fakpi ttuan vo kan lak lai tiah an chim .hringtu anu nih cun khawika dah an kalpi ti le khawika dah an chiah ti zawng ka thei kho tilo tiin ngeihchia ngai in a chim ti si.

Be the first to comment

Leave a Reply

Your email address will not be published.