Super Man Hmanhnih Myanmar Cu Arem Kho Lailo Ati Tu ASEAN Palai

Super Man Hmanhnih Myanmar Cu Arem Kho Lailo Ati Tu ASEAN Palai – Ralhrang ralkap nih rampi nawlngeihnak an lak hnuah ASEAN nihcun an sikhawhchung in Myanmar ram buainak kongkau ah tuanto an I laksek ve, cun ralhrang pawl nih zulh dingah zulhphung phun 5 an tuahpi hna pinah Myanmar ram buai remhding in ASEAN in palai tiang an chiah.

ASEAN palai Prak Sokhonn zong Myanmar ah voi 2 tiang a va kal cang nain, zeipipa hmanh a tlamtling in a tuah kho lo i, Myanmar ram buainak cu amah ning keel a si rih. Hi bantuk asi ruangah hin ASEAN cu a phunphun in mawh phurh ter an si i, Myanmar ram buainak kong chimtel khp lo nan si titiang puh an si.

Hi kong he pehtlai in ASEAN palai Prak Sokhonn nih Kei cu remnak tuahtu dingah thimmi palai pakhat lawng ka si. Super Man ka silo. Kei nih ka hmuhdan ahcun Super Man zongnih Myanmar ram buainak cu a rem kho lai ka zum lo, tiah CNA thawngthanh nak ah achim.

ASEAN nih ralhrang pawl daihnak 5 an tuahpi nain, ralhrang pawl nih pakhat hmanh an tlamtlin ter duh lo i, ASEAN palai zong a duhmi poah an tuahter lo. ASEAN nih cun remdaih nak kan in tuahpimi phun 5 nan tlamtlinh hlanchung cu ASEAN meeting ah nan i tel kho bal lai lo tiah ralhrang hna sinah  an ti len hna nain, ralhrang pawl nih Ramchung buainak ah ramdang pawl I tel lem duh hlah uh. Hi hi tham cu ASEAN daan zongah a um mi a si tia ASEAN lei cu an leh men ko hna.

China lei an lung aalawm kho rih lo – US House Speaker Nancy nih Taiwan a tlawn nak kongah China an thinhung tuk i, nihin tiang an thinhungnak a dai kho hrih lo.

China ramdang vuanci WangYi nih cun Taiwan hi American ram a silo, kanmah China ramchung i a um mi an si. US nan i telnak hrimhrim ah hin cun buainak nih a azulh peng. Vawlei cung khoika hmun paoh ah US an tel ahcun buainak achuak. A tu ah Nancy nih Taiwan a tlawng i teinak a co bantuk in US lei nih an chim.

Asi nain, a ho deuh daha hlawh tling, aho deuhdah a chuakthan, aho dah nawl ngei deuh timi cu a theih than ko lai. Tiah achim.China cu US cungah an thinhang tuk nain, tutiang cu ralhriam hmangin an cawlcang rih lo i, hriamnam in kahdoh  ding cu an ngamh taktak rih lo i a si ko lai a titu zong an um.