Taliban ruang ah Afghanistan ram i Australia, United Kingdom, South Korea etc. Embassy hna an khar dih cang

Taliban fighters patrol inside the city of Kandahar, southwest Afghanistan, Sunday, Aug. 15, 2021. (AP Photo/Sidiqullah Khan)

Afghanistan ram buainak a zual chinchin, ram tampi nih an ram mi hna cu an ram ah an lak cang hna i embassy hna zong khar a si cang. A tang lei ka langh ter mi hi a tu tiang ah kan theih khoh mi an si:

1. Finland: Kubul ah a um mi embassy cu thong kan thanh than chung hlan poh cun khar a si lai. Acozoh rian a tuan mi hna cu Afghanistan in kan thial cuah mah lio a si tiah Ramdang riantuantu Bu (MInistry of Foreign Affairs) nih nikhat ni ah a chim.

2. United Kingdom: Taliban kut chung ah Kabul a tlak cang ka in, Kubul in a voi 1 nak vanlawng cu UK a phan. Ram kilvennak bu (Ministry of Defense) nih a chim. British rammi le zung lei rian tuantu hna cu vanlawng cung ah an um.

3. Australia: Australian ralkap 250 hrawng cu tu zarh hnu bik in Afghanistan ah inn chungkhar he rian a tuan mi le visa a ngei mi, rammi 130 lak awh ah hman an si te lai. Australian Ram Kilvennak bu(Australian Defense department) nih nikhat ni ah khan thawng a thanh. Australia nih Kabul embassy cu May thla chung ah a khar cang. July thla chung ah khan, Australian ralkap hna mih Afghanistan cu an chuah tak cang tiah a ti.

4. France: French rammi le cozah riantuantu hna, Kabul airport ah a mah du tein a phan duh mi le a phan kho mi pauh cu, Nikhatni zaanlei ah UAE(United Arab Emigrates) ah zuan pi a si lai tiah France ram kilvennak riantuantu (Ministry of Defense) Florence Parly nih a chim.

5. South Korea: Embassy cu caantawi chung cu kan khar i cozah riantuantu tam deuh tu cu Afghnastan ram in a dang ram naih deuh ah thial a si cang. South Korea Ramdang riantuantu Bu(Ministry of Foreign Affairs) nih Pathian ni ah khan a chim. South Korea ram ai awhtu(ambassador) le embassy riantuantu tlawmpal cu Afghanistan ah an um rih.

6. New Zealand: New Zealand nih a rammi le Afghan rammi, New Zealand Defense Force he rian a tuan mi zong lak ding ah, Prime Minister Jacinda Andern nih Nikhatni ah a chim. A chim chap mi cu Acozah nih hin Afghanistan ah a um mi
New zealand rammi 55 le NZDF he rian atuan ti mi mi 37 zong kan hngalh ko hna tiah a chim.

7. Saudi Arabia: Ramdang ah Acozah riantuan mi pauh cu Afghanistan in a lak dih cang hna i inn zong him tein an phan, Saudi State nih a dirh mi SPA news nih Pathian ni ah a chim.

China: Taluk nih cu a rammi tam deuh cu tuan deuh in a lak dih cang hna, sihmanhselaw embassy cu onh a si ko lai tiah Ramkhat le Ramdang riantuantu Bu ai awh riantuantu Hua Chunying nih a chim.
Crd:CNN (Cable News Network)

Be the first to comment

Leave a Reply

Your email address will not be published.


*