Tang Cung Hriam Tlai Phu,KIA, TNLA, Le MNDAA Nih Cun,Min Aung Hlaing Ram Uico Hna Cu Lung Rual Tein An Phomh Cang Hna.

Shan ramkulh chung , Kuatkhai myone Manban khuate pawng ah KIA, TNLA le MNDAA i bawm in Kawl ralkap an phomh cuahmah hna, Raldohnak a fak ngai ngai tiah Khit Thit Media nih a langhter.

MNDAA timi Myanmar National Democratic Alliance Army cu Kokang hriamtlai phu, a tthawng taktak mi an si, cun TNLA cu Ta’ang National Liberation Army an si ve i KIA cu Kachin Ralkap an si i hi hna pathum hi a cak taktak mi an si lawng si loin Northern Alliance timi phukomh an si.

Kuatkhai khuapi in meng 2 tluk a hlatnak, Manban khuate le a pawngkam hrawng ah an i kah cuahmah hi asi. Kawl ralkap lei nih hriam ngan, Miakpi ti bantuk an hman ve i khua chung ah Miakpi kuan 15 leng a tla cang ti si.

Atu zaan lei suimilam 6pm tiang zong ah Meithal thawng le Bomb thawng a dai rih hlei lo, an i kap cuahmah rih ko tiah Khit Thit Media nih cun a tarlangh. Atu hi kaphnih karlak raldohnak cu a fak ngai ngai, a si nain kaphnih lei a thi mi le hliamtuar an um le um lo theih a si rih lo. TNLA, MNDAA le KIA an i bomh i voikhat te ah Kawl ralkap an phomh ti cu thazaang a vun tlung deuh ngai ngai.

Credit : Khit Thit Media.

Be the first to comment

Leave a Reply

Your email address will not be published.


*