Teinak thawng; CDF-Thantlang nih Ralhrang Ceilak an thah

CDF-Thantlang nih Ralhrang Ceilak an thah
=============

Nizaan (September 6) zaanlei sml. 5:00 le sml. 6:00 karlak ah Hakha le Thantlang karlak ah CDF-Thantlang le SAC ralhrang 80 hrawng karlak kahdohnak a chuak i SAC ralhrang lei hliampu/mithi an tam, tiah thawng kan theih.

Hakha le Thantlang karlak ramlak ah SAC ralhrang pawl riahbuk an sual lio ah CDF nih an kah hna i ralhrang 15 reng lo an thi i hliamhma a pu mi an tam ngaingai lai um lai, tiah an zumh. CDF lei in hliampu mi le mithi an um lo tiah theih a si. Crd; Chinland Defense Force

Tuzing September 7 ah KNU/KNLA brigade 4, Beik, Dawei district, Lemula peng, Pulaw area chugah KNLA le KNDO fonh in ralhangbu he an i kap tiah theih a si. Ralhrangbu hna hi KNLA brigade 4 ramchungah tampi an luh ruangah KNLA le KNDO battalion 7 hna fonh in Panami khualu ah an kah mi a si.

Ralhrangbu lei cu an tam ngai, Khuami cheukhat an zaam.Zinglei suimilam 10 le cheu tiang an i kap. I kahnak a chuah hnuah ralhrangbu mawtaw 30 hrawng KNU ramchung Thikhi lei ah an kal. Pulaw lei zong ralhrangbu mawtaw 40 hrawngin an i chawk tiah khuami hna sin in theih a si.

Hi kong he pehtlaihin KNU Beik district chimnak nawlngeitu P’do Saw Pa Law Soe Win nih; ralhrangbu hna hi PDF pawl an um lai ti an zumhnak hmun kip ah an kawl hna. A tu an umnak hmun hna lawng a si lo. Mahtin a si caah i kahnak zong a chuak than kho mi a si tiah a chim. Crd; The Chin Post

Be the first to comment

Leave a Reply

Your email address will not be published.