Thailand Nih KawlRalhrang Tangka An Hal Canghna

Ralhrang Sakhan An Kah I Ralhrang 35 An Thi Sagaing ramthen Indaw myone ah KIA, Katha PDF le Indaw PDF pawl tangtti  pawl nih cun ralhrang sakhan an kah hna i pyu Saw Htee, palik le ralhrang phu komh pawl 35 an thi tiah cathanh an chuah.

Indaw PDF nih cun Sagaing ramthen Indaw myone ih Meza palik sakhan cu July 10, zinglei suimilam 3 hrawngah kannih Indaw PDF, Katha PDF le KIA pawlin kan kah i, Pyu Saw Htee Palik le ralhrang pawl cu minung 30 an thi. Ralbawi telhin ralhrang ralkap pawl i ruak 10 cu anmah ralhrang pawl nih zanlei suimilam 2 hrawngah an rak lak hna  i, Kanbalu ah an chiah. A dang palik le Pyu Saw Htee ruak pawl khoika ah an chiah hna ti hi fiangfai tein kan thei kho hna lo.

Kannih lei in PDF pakhat a thi i, PDF 3 nih hliam hma an pu ve. Sakhan pawngah a um mino pakhat cu ralhrang ralkap pawl nih an kah i athi ve.  Zinglei suimilam 8 hrawngah Meza palik sakhan bawm dingin a ra mi ralhrang ralkap 30 cit mi mawtaw pakhat zong lamlak ah bomb puah in kan doh hna i ralhrang 5 an thi pinah hliamhma pu mi an tampi. Hliamhma pu mi hna chung in a thi mi zong an um chap kho rih tiah thei a si.

Lam pi i athi mi ralhrang pawl cu anmah ralhrang pawl nih a kiangkap ah an phum hna. Kahdohnak pawngah datsi phur mawtaw pakhat zong a puak. Asinan, mawtaw mawngtu cu a thi lo tiah theih asi.

Indaw ahcun ralhrang ralkap le mipi ralkap phukawmh pawl an kahdohnak can asau cang i, doawknak a asan chin ruangah mipi ralkap nih mipi pawl cu lam pi zawh rih lo dingin theihter an tuah hna.

PDF Nih Hngakchia Pakhat An Kah I Athi– Tanintharyi ramthen launglone myone Waisi khua i Pyu Saw Htee pakhat U Kyaw Hein cu July 9 ,zinglei suimilam 11:20 hrawngah Launglung PDF pawl nih va thianh ding an timh i an va kah, cu tikah hngakchia pakhat an kah sual.

An kah timh mi Pyu Saw Htee pa tu cu inn hnu lein a chuak i, a nupi le hngakchia pakhat an umpi mi tu an hliam sual hna. PDF pawl cu inn chungah an va lut i Pyu Saw Htee nupi i hliamhma cu an tuam piak i, hngaikchia cu zei tin dah na si tiah an hal tikah zei tin hmanh ka um lo kha tha ko tiah arak ti hna. Curuangah PDF pawl cu an zam. A hnu July 10 lawngah hngakchia nute a thi timi cu PDF pawl nih an thei i, ngaihthiam hal nak can an chuah colh.

Luanglung PDF nih cun Pyu Saw Htee U Kyaw Hein kan kah i, hngakchia ttah thawng kan thei. Cutikah meithal kah ti loin kan zohfel colh i, U Kyaw Hein cu inn hnu lei in a rak chuak cang. A nupi ke ah kan khen  i, a pawngah hngakchia kum 7 mi a ih mi kan hmuh. hngakchia nute cu na tha maw tiah kan hal tikah ka tha tin in akan ti i, kannih nihcun kan kaltak.

July 10, zinglei suimilam 5 hrawngah hngakchia nute cu meithal kahnak hliam tuar in a thi timi thawng kan thei i, kan khua ruah ahar tuk. Thawngpang kan dot hlat tikah hngakchia nute kan rak khen sua i, a caan lio te ah tuamhlawm a silo ruangah a thi. A ruang cu Pyu Saw Htee dang pawl nih sizung i kalpi ding kha an rak khamhna.

kannih cu mipi kilveng dingin biakamh nak tuah mi kan si i, thawng pang felfai  tein kan theih hnu lawngah kan cawlcang lengmang. Asinan, hi bantuk in thil a can sual kan ngeih tikah hin, cham than kho lomi a si. cu ruangah kan ngeih achia  tuk hringhran i, mipi siseh hngakchia nulepa zong thinlung takin ngaithiam kan in hal ko hna. A nulepa zong kan chawnh cang hna i  an duhnign bantuk in zeipaoh tuah dingah bia kan tiam hna tiah ca thnah an chuah.

US Palai Nih Myanmar Mino Pawl An Tonhna – Thailand ram i aphan mi US ramdang vuanci Bliken cu July 10 ah Thailand i Myanmar mino 6 pawl a ton hna i, suimilam 1 chung biaruahnak an ngeih hna.

Myanmar mino pawl nih cun a tu lio hi ralhrang ralkap pawl i dirhmun le ralhrang pawl nih daan buar mi le ramchung buainak pawl ti bantuk pawl cu US ramdang palai sinah an chim i, ram buainak ruangah Myanmar mipi harsa pawl bom ning ding cu  asi khawh chung tuah piak dingin an hal. Mino pawl nih bomnak nan kan pek ding asi zonga ah ralhrang pawl sin ah siloin tlangcung hriamtlai hotu pawl sinah kan pe uhlaw mipi hnenah a phankho bik lai tiah an chim chih.

US ramdang palai zongnih Myanmar mipi siseh Myanmar ram buainak zong kan philh bal lo i, kan in theih peng ko hna. Nan lei ah kan ttang peng i, mipi harsa pawl bawm dan ding kan tawlrel cuahmah pinah ralhrang pawl zong kan nor cuahmah hna tiah Myanmar mino pawl sinah a chim.

Thailand Nih Kawl Ralhrang Tangka An Cawh Hna– Ralhrang ralkap vanlawng cuThailand ram chung i ava zuan ruangah Thailand nihcun ralhrang sinah tangka liam dingin an theihter hna.

Karen ramkulh Myawaddy myone chung in kahdoh nak ah ralhrang raldonak vanlawng cu June 30 ah Thailand ram chungah an rak zuamter sual. Cu ruangah cun ralhrang pawl nih Thailand sinah ramri kan lawnh sual i, rak kan ngaithiam uh tiah ngaithiam an rak hal cang hna. A hramthawk ahcun Thailand lei zong nih ngaihthiam bantuk in an rak ti hna nain, atu ah ramri nan rak lawnh man tangka nan liam lai tiah an theihter than hna.

Thailand ram humhimnak vuanci chantu Chaichan nih cun Tu cun ramri ah duty vanlawng 2 kan chiah i ramri ven him nak an ngei cang. Hivenhim nak vanlawng pinah hin ramri ah commando ralkap zong kan chiah hna i, cu tanglei zong in ramri kilveng tu fek tatak in kan chiah rih.

Myanmar ralkap nih ramri an lawnh ruangah theihternak ca kan kuat cang i, ramri lawnh man tangka zong am kan pek lai nak zong kan theihter. Thailand i Myanmar Embassy palai zong kan auh i, thil sining kan chimh dih cang tiah an chim.

Ralhrang ralkap nih cun KNU umhmun khuar nak chungah PDF, CDM le NUG palai pawl an um tiah an  doh  peng hna  i, doh peng rih zong an timh tiah thawngpang theih asi. Ralhrang pawl nih KNU hmunhma chung ah kahdonak ah raldonak vanlawng, tank, meithalpi le ralhtuam phunphun an hman.

Sri lanka Mipi Nih President Inn An Luhnawh – Thla tam ngai chung abuai cang mi Sri Lanka mipi pawl cu July 9 ah an ram president Inn, Prime Minister inn le cozah innpi pawl an luh hnawh hna i, inn chungah duhtawk in an cawlcang Inn chung thilri duh paoh in an tuah.

President bik Rajapaksa le a chungkhar hna cu mipi tih ah athli thein an zam i, President bik a zam hnu cun mipi pawl cu duhtawk in President inn chungah an cangcang i,p resident swimming pool ah tilioh le pah i ti hna an i khawlh salam. Prime Minister inn zongah mipi pawl duhduh in an um ve.

Sri Lanka mipi cu an ram tangka atlak tuk ruangah an ram hruaitu pawl cu duh loin lamzawh in duhlonak langhter nak an ngeihmi a si i, Politic party dihlak teldih in rampi hruaitu ding dir kan duh tiah an aupi. Mipi pawl nih lamzawh in duh lonak langhter nak an neih pinah cozah innpi pawl tiang an luhhnawh hna hnu ahcun president le Prime Minister zong an rian in an ngol ding kong zong mipi an theihter cang hna.

President Rajapaksa ni cun July 13 ah ka sinak in ka ngol cang lai tiah achim cang i, Prime Minister Ranil zong nih a thutnak hmum a kaltak lai nak ding kong zong a phua ve.

A lio ah Sri Lanka ram ah Datsi, yinan ,ei din, thilri le Gas hman ding an harsa tuk i, an ram tangka fak tuk in a tla. Hi bantuk asi ruangah mipi nih cun lungrualten an ram uktu pawl an dokalh hna i, an rian in ngol dingin tiang an ti hna. Tu ahcun an ram hruaitu pawl zong an rian in ngol an timh cang i, mipi duhning bantuk in cozah thar dirh an timh cang.

An ram a tlak chiat tuk cang ruangah mipi duhning bantuk in cozah thar an din thei pei maw tikhal felfai in theih a si cuang lo. Rampi huapin duhphornak an nei ih, beidong loin rampi huap duhphorhnak an neih tikah an cozah hruaitu pawl khal an sinak men humhim rero loin mipi tampi duhphorhnak ruangah an sinak bansan dingin thu an suah fel zo. Ziangtin Sri Lanka ram an tungding aw ding, ziangtin rampi a feh ding timi cu felfai in theih a si hrih lo.

Hivekin President, Prime Minister le cozah hnatuan pawlin an ban ding thu an suah tikah party komkhawm cun a rangthei bikin hrilawknak tuah an tumih, hlutdaw palai pawl hnenin president thar an hril ding. Mipi cun hivek fehpi an tummi a si ih, ziang an bang vivo ding timi cu theih a silo.

US An Paih Tiang Kan Do Aw Ding Titu Russia – Russia cun Ukraine an donak ah USA le NATO cu a phenih cangvaitu an si ih, US in doawknak an paih sung cu Ukraine ramsung ah kan do aw vivo ding tin thu an suah.

US cun Ukraine hnenah ralthuam thar an kuat thu leitlun an simthei ve ih, US thu an suah hnuah Russia in US tihrim in thu an rak suah ve. Russia in Ukraine an do hnuah US cu Ukraine bawmtu bik an si ih, hmailam khalah bom vivo an tum hrih.

NATO member sungtel dang khalin Ukraine an bawm phah nan, US tlukin an bawm lo. US cun ralthuam phunphun in Ukraine an bawm zo ih, bawm peh vivo an tum. Hivek ruangah Russia cun US an paih sung cu Ukraine ramsung ah kan doaw ding tin thu an rak suah ve.

US bomnak ruangah Russia cun duh vekin Ukraine an do thei lo ih, Ukraine lam an ttang tento thei ringring. US ruangah Russia cun Ukraine rampum si nawn loin Ukraine nisuahnak lam lawng an do phah ih, Dobas ramthen sung zalennak pek an tum. Cukhal US cun rem an ti cuang lo ih, Ukraine tanpi in theitawk an suah. Curuangah Ukraine le Russia ram doawknak cu rei a awh hrih dingin a lang.