Thaizing April 16 Ah Thong Pang Ttha Tuk Mi Le Mipi Theih Ding A Herh Tuk Mi, CRPH Nih An Thanh Cang Lai.

Mipi theih dingin a herhtuk mi le a poimawh tuk mi cu,CRPH nih April 16 Ah an Thanh Cang Lai!Mipi nih kan i ngaih tukmi kan theih duh tuk cang mi National Unity Government (NUG) cu April 16 ah thanh a si cang lai tiah CRPH upa pakhat nih a chim. Hi cozah thar ah ahodah riantuantu an si lai timi zong tuaktan dih a si cang. April 16 ah an thanh chih lai.

National Unity Goverment (NUG) cu Federal Democracy Charter chung i a ummi Roadmap ningin pakhat hnu pakhat rian an tuan lai. Parliament Democracy System ningin kal a si lai. Lubik cu Prime Minister a si lai. Cu pinah President, Vice President-1, Vice President-2, State Counselor an um lai tiah Federal Democracy Charter ningin theih a si.

Hi National Unity Goverment (NUG) caankarlak cozah PM caah Dr. Zaw Wei Soe hi zumh a si. Asinain mipi theih in fehter cu a si rih lo caah thaizing cun a fiang cang lai tinak si.NUG ah tlangcungmi zong tlamtling tein an i tel kho lai. Cozah thar an thanh lecangka in upadi sernak le biaceihnak tungtlang an ser colh lai.

Hi hnu ah hin, National Unity Goverment nih cun, National Conference an auh lai i uknak phunghrampi thar an ser lai, cu an sermi cu mipi duhnak an lak hnuah fehter a si lai. Hi caankarlak cozah ruahnak petu ah National Unity Counselor Council (NUCC) an dirh lai i NUCC chungah tlangcung upa zong tling tein an i tel lai. Hi UNCC hotu caah 88 hruaitu Min Ko Naing a si lai tiah zumh a si, fehter cu a si rih lo i zeidek a lawh te lai ti cu kan thei kho rih lo.

Credit : Myanmar Now

Be the first to comment

Leave a Reply

Your email address will not be published.


*