Thang Zang Khua Mi Pu Khamh Bawi Cu,Ralhrang Hna Kut In A Nun Nak A Liam.

Mipi that tu Min Aung Hlaing ralkap le palik pawl nih a luan ciami May ni 9, kum 2021 ah Chin ramkulh Hakha khua, Hakha khuathar ah an rak tlaihmi Pu Khamh Bawi cu nizan May ni 11, kum 2021 ah khan Min Aung Hlaing ralkap le palik hna kut ah a nunnak liam ve.

khat lei in chim ah cun an thah ti ding khi si ko.Pu Khamh Bawi (kum 27) hi Thantlang peng Thangzang khuami si i a nupi he fa pahnih an neih hnu ah aa tthenmi a si, Hakha a rak tlawn lio ah Hakha khuathar sang Pi Hnem Zing inn ah aa tthum, a luan ciami May ni 9, kum 2021 zingah khan aa tthumhnak Pi Hnem Zing inn ah cun an rak tlaih.

An rak tlaih lio ah hin Pi Hnem Zing inn chung thilri zong an rak leh piak dih.Hniarlawn khuami Pu Tler Ling a thihnak thawngpaang kan rak theih lio ah khan Pu Khamh Bawi zong hi a rak thi ve cang rua, zei ruangah tiah Min Aung Hlaing te phu nih Hakha ah minung pahnih an thi tiah thawngpaang an rak thanh cang.

A ruak zong Pu Tler Ling ruak he Kalaymyo ah an khangh ve.Hi kong he pehtlai in tawlreltu pastor pakhat nih a tu te bak kha Rungtlang lei in Min Aung Hlaing ralkap bawi pakhat nih phone a rak ka chawnh, a thimmi Bawia timi hi Pu Khamh Bawi a si ko tiah a kan ti, Cuap zawtnak in a thi ti fianternak siizung lei cachuahmi zong kan nei ko a ka ti tiah a chim.

Be the first to comment

Leave a Reply

Your email address will not be published.


*