Thantlang ah Meithal Hliampu mi pa 5 hrawng an si

Thantlang ah Meithal Hliampu mi pa 5 hrawng an si
=================

Nizan zaanlei Thantlang khuachung kahdohnak ah khuami sawhsawh hliampu minung 5 hrawng an um, tiah kan theih. Hliam a pumi hna kan theih tawk ah nu pahnih, pa ngakchia pakhat le COVID-19 in a zawmi pa pakhat zong an i tel.

Pa ngakchia hi Sangte tiah mindin in auhmi a si i a hliam a fak pah. Cun a nunnak a liammi kum 10 ngakchia pa Van Bawi Thang i a nu hi a baan ah hliamfak ngai a pu. Nungak pakhat zong meithal kuan thum nih a khen. Kuan thum nih a khen nain amah tein lam a kal kho. Nunhim in a um.

COVID-19 in a zawmi pa an hliamhmi hi a fak pah. Tu zaan muika tiang hrawng ah karlak thlak in meithal kah thawng a thang pah lengmang nain atu ah cun a dai cang, tiah Thantlang khuami nih an chim.

(August 26) ah Hakha, Carson Hall ah oxygen pek hau COVID-19 mizaw pawl zohkhenhnak si-inn (Community Care Center-2) tlamtling in an on cang lai, tiah kan theih.

Ihkhun 40 an chiah i chun sml. 12:00 in zanlei sml. 4:00 tiang mizaw cohlan an si lai. Oxygen Concentrator 10L tlamtling tein chiahpiak a si i, Oxygen cylinder 40L pawl zong Falam nu le pa nih lung 53, Thantlang nu le pa nih lung 45 an hmanter hna caah tuan ah an hun khawhnak a si.

“Inn ah i erh loin Pathian dawtnak le Missionary hna dawtnak thladem tang ah rak i thlawp ve u,” tiah HTPH nih forhfialnak le sawmnak zong an tuah. Crd. The Chin Journal

Be the first to comment

Leave a Reply

Your email address will not be published.