Thantlang Hi Ralhrang Nih Thio In An Mah Um An I Timcang Ko Rua

Thangtlang khua hi cu ralhrang nih khangh in hlohdih an timh cang ko rua, Nihin Zinglei Suimilam 9:00 hrawng ah Thantlang khua Market sang cu Ralhrang nih inn an khangh tthan. UPC biakinn a kaangchih.

UPC biakinn zong a kaangh chih cang, Market sang cu inn aa peh tuk i a kaang dih ko lai, atu zong a kaang cuahmah ko tiah mit hmutu pakhat nih The Chin Post ah a chim. Ni zaan i Thantlang khua pawng deuh in a kal mi pakhat zong nih Thantlang khuachung ah bomb puah aw le Meithal aw ka theih, an i kap i asi ko lai tiin ka zumh.A dang thawng tucu ka thei kho lo tiin a chim. Thantlang khua cu ralhrang nih a voi 12 nak an khangh cang i mah chungah; TCBC biakinn, COTR biakinn, Presbyterian biakinn, St.Nicholas Catholic biakinn le UPC biakinn tiin biakinn 5 an khangh cang i inn 400 dengmang a kaang cang.

 

Aluan cia thla zei mawzat ah kha SAC pawk Motor 6o leng in an rak kai lio ah biachawk vai aleng mi cu mah motor chung ah khan ralhrang lawng si loin chungkhar in ara mi an tam tiah an rak ti. Cu hna cu Chinram ah um ding in ralhrang nih an timh tuah hna tiah an ti.Hakha Peng ah CDF-Hakha Dah Lo Hriamtlaiphu Um Khawh A Si Lonak le Senthang CDF Kong Statement. CDF-Hakha cu ralhrang uknak in kan miphun le ram a luat khawh nakhnga caah Hakha peng dihlak caah tuahmi a si. Asinain Battalion 2 hruaitu hna nih 2021 September 23 ni thok in Senthang CDF kan dirh cang tiah Battalion 2 cu a min an thlen i anmah duh paoh in kal an i tim.

Battalion 2 ah um a duhmi le Senthang CDF in um a duhmi karlak ah CDF-Hakha nih nemnak tein tawlrel a si. Cucaah 2021 October 19-20 ah hruaitu tonnak kan tuah i General meeting i au sehlaw an biachahnak kan zulh lai, tiah ceihhmai le lungtlinnak kan ngei.Cuticun 2021 October 26 ah General meeting cu auh a si i meeting kai ding sawmmi chungin 84.4% an kai. An dihlak lungtling consensus in CDF-Hakha Battalion 2 (Senthang) tiin kan um lai i CDF-Hakha ah kan um ko lai, tiah biachahnak tuah a si.

Cu hnuah 2021 November 13-14 tonnak ah CDF-Hakha nih Hakha peng ah hriamtlaiphu dang ser, um le cawlcangh khawh a si lo, tiah dihlak lungtling consensus in policy a fehter than. Cucaah a tanglei bantukin mizapi sinah thawngthanhnak kan in tuah hna: 1. Hakha peng ah CNF/A le CDF-Hakha dah ti lo hriamtlaiphu ser, um le cawlcangh khawh a si lo, 2. Cun anmah General meeting lungtlinnak bantuk in Senthang CDF cu a um ti lo.Cu policy le General meeting biachahnak a zul lomi cu dothlennak, mizapi le CDF-Hakha i kan sizungyi le kan i thithruainak a hrawktu le mizapi ca zong ah tih a nungmi an si caah policy ning tein action lak ding a si. Cu bantukin nawl a ngai lomi hna an um ahcun CDF-Hakha theihpinak tel loin ahohmanh nih pehtlaih, cohlan le riantuan tinak ti bantuk nan ngeih nakhgna lo thawng kan in thanh fawn hna. Chinland Defense Force – Hakha

 

 

Be the first to comment

Leave a Reply

Your email address will not be published.


*