Thantlang Innkangh kong ah NUG Ngandamnak lei Vuanci Zung nih Laica tein Cathanh Chuah

Thantlang Innkangh kong ah NUG Ngandamnak lei Vuanci Zung nih Laica tein Cathanh Chuah
——–
1. Ralhrang Ralkap Bu nih firtlei hnahnok in an um ruang le zawnruahnak ngei loin duhpoh in mi an thah, lai an nawn ruangah Chin ram chung um Thantlang khuanu khuapa thonghra leng nih khua an chuah tak i hmundang ah an i dor.

2. Ralhrang Ralkap Bu nih 29 Oct 2021 zingka in minung umlonak Thantlang khuachung inn an bauh, thil an fir, hriamngan pawl an duhpoh in an puah leng ah inn an khangh ruangah 30 Oct 2021 zing tiang biakinn telh in inn 160 leng le thilri pawl vialte sungh cikceknak ton a si.

3. Chin State, Kayah (Karenni) State, Sagaing le Magway ramṭhen hna telh in kawlram pumpi ah Ralhrang Ralkap Bu nih minung lungkeng loin saram lungput he an i hrocer, mi an thah, lai an nawng, an fir, an tlei, thil an hrawh, inn an duahnak pawl hi National Unity Government Ministry of Health nih biatak tuk in kan doh.

4. National Unity Government Ministry of Health nih Ralhrang Ralkap Bu ruangah harnak a tong mi hmunhma kip um mizapi sin ah siiai pawl le a herh mi bawmhnak pawl phak ter khawh kan i zuam lio a si i Thantlang mizapi sin zong ah phak ter zok kan i zuam lai.

5. ASEAN le United Nations pawl telh in minung zawnruat le minung man ngeihter mi ramdang pawl zong nih Ralhrang Ralkap Bu i hramhram in mi an tinak le lai an nawnnak vialte nan theih nan hmuh cang ko hna i an nih an i tlak bik ding in lehrulhnak pawl caan tlai lo teah nan tuah colh nak lai biatak tein kan in nawl hna. Ministry of Health National Unity Government

Ahram riangmang mi fiakfai kanhluan muuu. Chim thlichia le,run tilian nawi asiri lo. Duhin len thlaimai nakle, rualzaa kan ipumh tawnnak thantlang khuapi! Nathawng lei killi tiang than ko ngaicu, Zanmang manhlo khuakhen ralle MAH, tufarual ruang ko ngai i hican i nacan! Hmunlehma saattu le,tikhur huat in phaihleng asaat tu, Cinzah pa, Pu Lalluai kha khoi hme naum? Lungkil saduh thah khin, terleng naichai vețheu lai dah kati.

Dawtmi thantlang, Nachung in chin miphun le chinram zalon nak kanhmuh nak ah canghram koseh tilawng hin,lungkil mitthli atolh ziahmah mi kan ihnawh nak asi! Thlanih aliam pilai i kumnih athar pi tikah, Dawtu Pathian sunpar nak alangh nak khuale ramah canghram koseh.

Satan rianțuan nak adoh tule,apennak hrawh atimtu Pathian kan biakmi nih,pumpaak cio thinlung kanhnem hram sehlaw, cuticun hi ralhrang khuachia hnanih,anrian țuan nakhi, tlangpar romei bang akiang zau kolai. Pathian umpi mile fahniang bang adawttuk mi thantlang khuapi hi, teinak alaan hlirh in,nikhat ni ahcun, kanduh atling tekolai tiah ka lungfah nak le mitthli hnawh buin hnemh nak capaar kavan langhter ve.

Be the first to comment

Leave a Reply

Your email address will not be published.