Thawng fiang; KNU Brigade (5) hmun ah Ni 2 chung kahdoh nak ah BGF le ralhrangbu pa 12 an thi, pa 19 hliamhma an pu

KNU Brigade (5) hmun ah Ni 2 chung kahdoh nak ah BGF le ralhrangbu pa 12 an thi, pa 19 hliamhma an pu
=========================

Karen National Union(KNU) Brigade 5 hmun ah August ni 21 in 22 chungah KNLA le ralhrangbu, BGF karlak ah kahdohnak a chuak i ralhrangbu le BGF lei in pa 12 an thi i pa 19 fak ngai in hliamhma an pu tiah Mudaw(မူတြော်) district cu fehter in Brigade 5 nih a chim.

Ni 2 chung kahdohnak ah Karen National Liberation Army(KNLA) lei in a nunnak a liam mi a um lo natein Ralhrangbu hna nih khuami umnak khua te hna cu hriam ngan in a kah hna tiah KNU Brigade 5 nih a chim. Crd. Khit Thit Media

Bago Ah hlei ngak rallokap hriam tling he minung 5 an zaam Bago khua helnak lam cung ah a um mi Myo U Kin hlei hngaktu rallokap minung 5 cu August 22 ni ah an zaam tiah hlei a umnak Bago veng chung ah a ummi hna sin in theih a si.

Hriamnam tling tein a ken mi rallokap minung 5 a zaam mi hna thawng pang cu a dik mi a si ti hi kan chimngam tiah Bago veng khuabawi lei he a neihniam mi pakhat nih a chim.

“Tuan deuh zong ah rallokap minung 3 an zaam cang.Asinain mah lio kha cu an thawngpang a thang lo. Atu zong minung 5 an zaam i hriamnam tling tein an i zaam pi. Adang cu kan thei rih lo.

A zaam mi Bago Myo-U-Kin hlei hngak rallokap 5 chung in minung pakhat cu an tlaih than tiah August 23 ah mi sawhsawh hna sin in thawng a leng nain DVB nih a dik tiah kan ti kho rih lo. Crd. The Chin Post

Be the first to comment

Leave a Reply

Your email address will not be published.


*