Thawng Fiang; KNU nih August ni 25-26 chung ah Ralhrang pa 15 an thah

Thawng Fiang; KNU nih August ni 25-26 chung ah Ralhrang pa 15 an thah
===============

Karen National Union(KNU) Brigade-5 ralkap cawlcawngnak Hpapun(ဖာပွန်) District chung Butho(ဘူးသို) peng, Thumwehta (သူးမွဲထာ)area Hkawpu khua tlang le bhwarde khua tlang chung ah Ralhrangbu Khah Mah Yah 341, Sah Kah Sah 8 – Khah mah Yah 430, Khah Lah Yah 19, Sah Kah Sah 8 – Khah Mah Yah 403 Batallion hna cu an cawlcangh ruang ah August thla mi 25 le 26 ah KNLA he hmaitonh kahdohnak voi 11 a chuak i Ralhrangbu lei in pa 15 an thi i pa 11 hliam an pu tiah Mudaw District in thawng a thanh.

Mah KNu Brigade-5 uknak hmun chung ah Ralhrangbu le Karen ram ri cawngru(BGF) hna nih hmaitonh in an kahdohnak an ser i ralkap vanlawng hna in hmun dothlat nak an tuah tiah theih a si. Crd. Khit Thit Media

Nihin chun sml. 1:00 hrawng ah Thantlang ah bomb puahnak a chuak i Pu Hlei Bik (kum 40) a nunnak a liam.A puakmi bomb hi August 25 Thantlang khuachung kahdohnak lio ah SAC ralhrang nih an kah i a tlolhmi a si.

Khuami pakhat nih, “August 25 kahdohnak ruang ah a rawkmi inn an remhnak ah SAC ralhrang kahmi a tlolhmi bomb hi an hmuh. Innleng ah an chuahpi i ruah lo piin a puak. Atu hi SAC ralhrang nih meithal an puah cuahmah ko,” tiah The Chin Journal ah a chim.

Pu Hlei Bik te nih a tlolhmi bomb cu innleng ah an chuah i an zoh lio ah ruah lo piin a puah hi a si. Crd. The Chin Journal

Be the first to comment

Leave a Reply

Your email address will not be published.


*