Thawng fiang; KNU nih Brigade-6 uknak hmun ah PDF mino 50 nunnak a liam tinak thawngpang cu a dik lo a ti

KNU Brigade-6 uknak hmun ah PDF mino 50 thawngpang cu a dik lo
==================================

Karen National Union (KNU) Brigade uknak hmun ah Mipi Kivengtu Bu(PDF) mino 50 an nunnak a liam tiah thawngpang mipi sin ah a leng mi cu thawng dik lo a si tiah KNU thawngpang hrihram ngei le PDF thawngpang hrihram ngei hna nih Yangon Khit Thit Media Sin ah an chim.

“Tu ni Brigade-6 lei ah kan theih kho tawk ah cun kahdohnak faktaktak in a chuak mi a um lo. BGF le ralhrangbu lei nih an ral thazang an karh ter cu a um. PDF mino hna an nunnak a liam ti mi cu a um lo” tiah KNU lei thawngpang hrihram ngei pa 1 nih a chim.

Cu thiam thiam in KNU Brigade-7 nak chung ah a phan mi PDF pa 1 nih Brigade-6 ah PDF mino 50 an nunnak a liam ti mi cu a dik lo mi a si tiah a chim. KNU Brigade-6 chung ah ka hawikom hna zong an um. Atu online ah an tar tiah ka hal chun. Minung 50 reng lo voikhat ah an nunnak liam nak ding ah kahdohnak zong a um lo tiah a chim.

An nih zong line cung ah an hmuh ve. KNU Vawlei lei in cun zei thawng hmanh kan thei rih lo tiah a chim. Mah cu Brigade-6 chung a phan mi sin in kan theih mi a si tiah a chim. Atu lio ah Ralhrangbu le BGF han cu KNU uknak hmunhma hna ah ral thazang karh ter in hmunhma an karh ter i a rauhhlan ah kahdohnak faktaktak in a chuak kho ca’h khua chung in minung 100 leng mipi cu ralzam dirhmun an phan cang tiah theih a si. Crd. Khit Thit Media

Tu ni Kayah ramkulh ,Loikaw peng Loi Lyin Lay khua nichuah lei um mi Kone Suot le Kyot Kyi khua kar ah hmunhma a la mi rallokap le Karenni ralkap hna kar ah kahdohnak a um i rallokap minung 7 an thi minung 10 leng hliam an tuar tiah KPDF nih an thanh.

Rallokap Tat- Mah 55 thazaang 100 hrawng cu Kayah ramkulh ,Loikaw peng Loi Lyin Lay khua nichuah lei Kone Suot le Kyot Kyi khua kar ah hmunhma an lak ruang ah kahdohnak a chuah hi a si.

Kaya ramkulh ah a cang mi kahdoh nak ruang ah Kayah ramkulh chung ah ralzaam minung 120000 leng an um i mah chung ah a cheukhat ralzaam an um nak hmun cu Covid – 19 zawtnak a chawn mi hna an um. Crd. The Chin Post

Be the first to comment

Leave a Reply

Your email address will not be published.


*