Thawng Tha Taktak Bak Si Falam Ah Oxygen Plant Cu Nihin March 28 Ah Hin Oxygen Plant Thar Bunh A Si.

Chin Reliefrehabilitation And Community Development Foundation CRCDF tawlrelnak in Falam ah Oxygen Plant thar pakhat bunh a si cang, tiah theih a si. Cu seh thar cu USD 6,5000 man a si i March 27, 2022 ah an bunh mi a si.

CRCDF in tuanvongeitu pakhat nih cun, hi seh hi nikum in kan rak cah cang mi a si i, atu ah Yangon i kan cahnak Company pawl nih an rak kan bunh piak hi a si. Ramchung, ramleng mizapi nih Chawva thawh khawmh mi in cawk mi a si i, mizapi caah hman dingmi a si, tiah a chim.

Atu i an bunh thar mi Oxygen Plant cu nikhat ah 40 litre tlum dur 60 hrawng a rawn khawh lai, tiah an chim. Falam khua chung le Laikua lei tiang Oxygen a herh mi pawl ca ah fawite in rawnpiak an i zuam, tiah tuanvongeitu pakhat nih cun a chim chap.

Falam ah Oxygen Plant pahnih a um cang i pakhat cu mi zaw pawl an ihkhun pawng ah chiah i dawp khawh mi, Pipe line system caah an hman. Atu seh thar hi cu Oxygen dur chung i rawn áš­hannak refill caah hman timh a si, tiah theih a si.

Thawng pang dang deuh relchih te.

Ukraine Kahdohnak Ah Russia Nih Phun Dang Deuh In Cawlcangh A Timh, Dwan Leikap Zalonnak A Um Nakhnga HmuitimhUkraine nichuahlei ah zalonnak a um khawh nakhnga biatak tein thazaang chuah in kan nor cang lai taih Russia nih March 25 ah thanhnak an tuah cang caah Ukraine kong he pehtlai in a si khomi phun dang deuh in cawlcanghnak a um lai.

Ukraine he pehtlai in a hramthoknak i an i timhmi cu kan lim cang i, Ukraine ralkap i thazaang le thiamnak hna cu kan thumh khawh dih cang tiah Russia runvennak zung nih an thanh.Russia i luhhnawhnak le kahdohnak cu Ukraine ramchung khuapi ngan deuhdeuhnak cu laak/chuh hratin Ukraine cozah cu thlak dingin an i timh ziai a si nain,

Ukraine ralkap thazang le thiamnak le ralthatnak ruangah an hlawh tling kho lo.Ukraine kahdohnak ah a vawikhatnak bik timhtuahmi cu kan hlawh tling cang tiah raltuknak kongah tuanvo ngeitu lutlaibik nih a chim.Ukraine ralkap le hriamtlaitu hna i thazang le thawnnak hna cu hmuh awkin a zawr chuk ngaingai cang caah kan i hmuitimhmi taktak a simi,

Dwan leikap i zalonnak an hmuh nakhnga biatak tein thazaang kan chuah cang lai tiah a chim chih.Ukraine nichuahlei Dwan leikap hmunhma cu Russia kuttang ummi then cheu a duhmi hna umnak hmun a si.

Crd: Voice of Myanmar