Thawng Theih Nuam Lotuk Alo Ko Nain Thawngtha Tuk Asi

Monywa ah ralhraang bawi nupi Daw Sanda meithal in kahthah a tong, Kyaikmaraw ah mei man hal ralhraang riankhinh mi khuabawi Mann Tinn meithal in an kah i a thi: Sagaing ramthen, Monywa ah ralhraang bawi nupi Daw Sanda cu အနောက်မြောက်လွင်ပြင်တော်လှန်ရေးအင်အားစု nih nihin zing ah meithal in an kah i athi tiah thawng an thanh.

Council ralhraang bawi nupi Daw Sanda nih PDF thawng ralhraang sin ah a pek hna ti fiang tein an theih ca ah အနောက်မြောက်တော်လှန်ရေးအင်အားစု nih meithal zuunruk in an kah i athi tiah kan theih. Cu ve bantuk in Mon ramkhulh Kyaikmaraw peng ah nihin zaan lei suimilaam 4:00 ah electric mei man hramhram in hal ah a vaak mi Pyinyuihkung khua ralhraang riankhinh mi khuabawi Mann Tinn cu PDF nih an kah I athi ve tiah theih asi. Source: Khit Thit Media

Nihin Kahdohnak ah CNA Ralkap 2 an Nunnak a Liam

Nihin March 2, Falam le Hakha karlak kahdohnak ah CNA ralkap pahnih nih ram le miphun ca ah an nunnak an pek, tiah thanwgpang kan theih.  A nunnak a liammi hna cu Salai Za Hnin le Salai Van Bawi Bik an si. Kalay lei in motor 30 hrawng in a rak kaimi SAC ralhrang pawl cu February 24 ah Falam peng ah an phan i February 27 ah Hakha lei ah an rak lan.

February 28 ah Falam peng, Thlanrawn khua pawng ah kahdohnak a chuak hmasa. Motorcycle in khual a tlawngmi Salai Tuan Nei Sum (23) cu Lungpi khua ah SAC ralhrang nih an tlaih i Taal le Tlangzar karlak ah ruru hranghrang in an thah. Hakha lei ah a rak kaimi ralhrang pawl cu CNA le CDF nih nizaan le nihin ah hmun kip in an kah hna. Nihin kahdohnak ah CNA ralkap pahnih an nunnak a liam hi a si. Nihin kahdohnak a chuah hnu ah SAC ralhrang nih Dohthek khua zong an khangh. Credit: The Chin Journal

Be the first to comment

Leave a Reply

Your email address will not be published.