Thawngpang Tha Chin Lengmang Cang,Mipi Leiah Police Tamtuk An An Lut Cang.

Myanmar police tampi cu sandah piahtu mipi lei ah an tang cang hna. Mipi lei ah an i tel cang hna. Min Aung Hlaing cu a lau chin lengmang ko cang lai hih.Nihin February 10,2021 ni ah Kayah ramkulh Lwinkaw myo ah minung thong tampi nih ralkap uknak duh lonak lam an zawh hna.

Cu lio ahcun Kayah ramkulh palik minung 40 reng lo cu mipi lei ah an tang ve cang. Ralkap uknak kan duh lo tiah sandah an piah ve cang. Uar an um kho taktak khi a si.Kawlram chung palik zong duhsah tein mipi lei ah an lut thluahmah cang hna. Cung lei order an ngai ti lo. Ralkap uknak a chiat zia kha an theih tuk ve caah mipi lei ah an tang ve cang hna.

Chinram palik pawl zong nih i cawn awk tlak bak an si hna hih. Biatak tein i cawn ve cang hna seh. Sandah piah tu mipi caah harnak petu si loin sandah piah tu mipi lei ah tang hna sehlaw a tha tuk ve lai.Tihin mipi nih lungsau tein ralkap uknak duhlonak kan langhter lai i Kawlram palik tampi nih mipi an kan bawmh te lai. A donghnak ahcun palik le ralkap kar ah buainak a chuak te lai i kan ram hi a ngandam te ko lai. Mipi hna lungsau tein tang ko hna usih.

Be the first to comment

Leave a Reply

Your email address will not be published.


*