Thawngtha Taktak Si,Kalay PDF Nih An Cawkmi Meithal Thatha Cu a.

Nawlngeihnak latu SAC ralhrang ralkap ralchanh in kahdohnak dingah mipi nih an thawhmi phaisa hmangin cawkmi hriamnam hna cu tluang tein an phan cang tiah April 2 ah Ranger Kalay PDF nih cathanh an chuah.

Hriamnam cawk a har ning, a thiar ning le i kuatnak a harsat ruangah a hmasa ahcun hriamnam hi kut chungah an phan khawhlonak a si i, tu thla chungah AK meithal zunkhat, a phan chap dingmi a um rih tiah an langhter.

Kuanfang man a fak ngaingai cang tikah MM40 kuanfang zong tlawmpal lawng cawk khawh a si. Cucaah mipi nih pehzulh in bawmhnak nan kan pek chap nak lai zangfah kan in nawl hna tiah Ranger Kalay PDF nih cathanh an chuah hi a si.

Thawng dang Mizapi an tamnak dawrthluan, Hlei, Sianginn tel in Miazpi tamnak Public Area pawl ah bomb puah ding in SAC nih an ralkapnle palik pawl nawl an pek hna tiah Palek bawi pawl hna sin in theih asi.

SAC nih Public Area ah bomb puah ding in ralkap le palek nawl a pek hna nak hi PDF nih ramchung ah buainak an chuahpi mizapi sualnak ngeilo an thahnawn hna tiah lih in thawngzamh ding ah an tiahmi asi.

Palek bawi pakhat nihcun Bomb a puah lio file kha SAC sin ah ap ding an kan ti, hi bomb puah tu ding ahhin SAC caah zumh a takmi le a hmur a cipmi palek le ralkap an thim hna tiah a chim.

SAC nih ai tinh ning ahcun ramchung buainak le puahkehnak le mizapi thahnawnnak hi SAC a dohkalhtu PDF tuahmi an si tiah langhter ai timhmi asi.

SAC thawngzamh simi MRTV, Myawaddi TV pawl zong nih nitin in ramchung buaibainak cu PDF nih an tuahmi a si mizapi sualnak ngeilo an thah hna PDF hi ralhrang an si tiin an chim peng ve.

Misual pa putin kong lam, Russia President Vladimir Putin nih cun Russia sin i Gas a cawtu hna ca ah phunglam thar a ser i, nizan tihni ah khan President Putin nih cun fehternak a tuah cang.

Cu phung thar ah cun Russia hawikom áš­ha silo ram hna nih Russia sin i gas an cawk tikah dollars siloin Russia phaisa Rubles in gas man an pek a hau cang lai. Rubles in an pek lo ahcun an caw kho ti lai lo, tiah nawl a chuah.

President Putin nih cun, Nihin in phung thar kan ser cang i, Russia gas cawk a duh mi nih cun Ruble account an ngeih a hau cang lai. Hi phung thar hi April 1 in kan hman lai, tiah a chim.

Hi kong he pehtlai in Gas cawtu hna nih harnak an ton ahcun kanmah thiam lo a si ti lai lo. Ramdang nih man ngei lo in zeihmanh an kan tuahpiak lo bantuk in kannih zong nih man ngei loin zeihmanh kan tuah ti lai lo, tiah a chim chap.

Russia le Ukraine buainak ruangah vawileicung ramdang hna nih cun Russia phihkharnak ah phaisa cawlcanghnak hi an hman cem mi hmanrua a si i, dollars phihkhar an si caah company tampi nih.

Russiaah an rian an pehzul kho lo, tiah Putin nih cun a chim. Cucaah US le Europe ah Russia thilri pawl cu cawlcang kho lo in an um i, chawlehnak ah harnak tampi a um. Russia nih Nitlak lei ram pawl lehrulhnak ah.

phihkharnak a tuah chin ve i, Russia gas cawtu hna nih Russia phaisa lawng an hman khawhnak ding lam a ser ve,Russia nih gas cawknak kongkau ah phungthar a ser caah European Union ram hna nih cun duhlonak an langhter.