Thawngtha Tuk; US Nih Kawlram Bawmhnak NGO Hna Sin Ah A Pek!

US Nih Kawlram Bawmhnak NGO Hna Sin Ah A Pek!
==========
US nih Kawlram mipi caah bawmhnak dollar nuai 50 cu UN tang phu hna, NGO hna sin in Kawlram mipi hna sin ah direct in ka pek lai tiah Thailand ah a um lio mi UN-American palai Linda Thomas Greenfield nih August 11 ah tuah mi Tele conference ah a chim.

Linda Thomas nih Kawlram chungah harsatnak a tong lio mi hna le ralzaam hna caah bawmhnak vialte cu ramdang phu hna sin lawngin kan pek lai. Mah tangka hi Thailand le Kawlram ramri harsatnak a tong lio mi hna telin mipi nih an herh mi Covid dohnak caah hman ding a si. Hi kong he pehtlaih in NGO hna he zong biaruahnak kan ngei cang tiah Mrs. Linda Thomas Greenfield nih a chim.

UN,US palai nih Thailand deputy prime minister le foreign minister Don Pramudwina he ni hin an i ton lio ah ralhrangbu nih uknak a lak ruangah harsatnak phun phun a ton lio mi Kawlram mipi dirhmun cu a zual chin chin hlei ah pawngkam ram hna daihnak zong a hrawh chih te lai ti phan a um ngai tiin a chim tiah Thailand US embassy nih cathanh an chuah.

NUG cozah lungtlin pinak cu America cozah nih a ruahpiak men lai tiah biahal nak a chuak America cozah riansng tlai tu pakhat le caankarlak (NUG) phu chungtel pakhat hna kar pehtlaihnak ah NUG cu lungtlin ding ah America cozah nih a ruah piak men lai tiah bia hal nak a chuak.

Mah biahalnak he pehtlai in America ramdang lei pehtlai in chimnak nawlngeitu Ned Price nih nizan thawngfianhnak chung ah kan lungtlin lo ti nak um zong lo a dik ko tiah fehternak bia bantuk zong in kan chim lo.

” A voikhatnak bik ah chim ka duh mi cu Democracy hmuh than nak cu hmuh kan duh ti cu fiang tein kan chim khawh Myanmar mipi he hmun khat ah kan dir ko tiah a chim.Myanmar mipi cung ah a fek mi cohlan nak he Democracy uknak cu a dir khawh than nak ding ah a zuam cuahmah mi mipi hna, Democracy a duh mi bu hna he pehtlaihnak zong kan ngei ko.

Tuni tiang ahcun Duh- vuanci Sherman lawng si lo in nichuahlei Asia le Pacific ram he pehtlai in riantuan tu hna leng ah mmYanmar he pehtlai in America palai zong a tel.Anmah cu NUG hruaitu hna he an i tong bal.Mah pehtlaihnak hi thuk chin in pehzulh in kan tuah lai.

Duh- Vuanci Sherman le Daw Ma Aung hna cu a luancia zarh ah khan bia an i ruah lio ah Myanmar Democracy kong cawlcanghnak ah America nih pehzulh in kan tan pi nak kong tel in Myanmar ram Democracy lam ah a dir khawh than nak hnga caah rian kan tuan lio a si kan i zuam nak he pehtlai in biaruah ti nak an ngei.

Mah leng ah CoVid – 19 zawtnak a tuar mi Myanmar mipi hna caah an herh bik mi minung hawi i bawmhchanhnak pek ding kong hna zong tiah ” chimnak nawlngeitu Ned Price nih a chim.Minister Wendy Sherman le NUG i ramdanglei kong pehtlai tu vuanci Daw Yin Ma Aung hna biaruahnak thawng cu a than tik ah NUG cung in America cozah i ruahnak aa thlen nak a um cang hnga maw tiah theih an duh chin.

America ramdanglei kong pehtlaihnak zung riantuan tu poh cu NUG he pehtlaihnak a um ko nain Minister Wendy Sherman cu tu tiang American cozah bu chung ah NUG le pehtlaihnak a um ko tiah a chim tu a sang bik rian ngei tu pakhat a si. Myanmar aiawh tu a dik mi cozah ah zei phu hi kan lungtlin tiin kan chim lo ti ahcun a ra lai mi September thla ah UN meeting chung ah ruah i biakhiah ding caan he a tong.

Credentials Committe tiah auh mi UN ah ram hna i aiawhnak cu meeting pi ah chuahpi ding mi Committee phu chung tel ram 7 in in then a si. Tuah ding a si mi avoi 75 nak UN meeting caah Credentials Committee i phu chungtel ram hna cu America, Taluk, Russia, Iceland, Papua New Guinea, Trinidad and Tobago, Tanzania, le Uruguay ram hna an si. Credit; The Chin Post

Be the first to comment

Leave a Reply

Your email address will not be published.


*