Tu Zing Dalan Nuva pa 2 cu Rangoon ah thi lak an kah

Dalan Nuva pa 2 cu Rangoon ah thi lak an kah
===========

Rangon ramthen, Dagon Seikkang peng, Aunglan lam ah ralhrangbu thawng petu tiah an ti mi nuva pa 2 cu tu zing slm.11:15 hrawng ah meithal in an kah hna i a nupi cu a thi tiah khuami hna sin in theih a si.

meithal in kah ruang ah a thi mi nu cu Dagon seikkang 90 veng, Aunglan lam ah bawda inn a on tu Daw. Thi Htar Mg Mg a si i a vapa tu cu hliamhma a pu i Siizung ah a thlop lio a si tiah theih a si. kah a tong mi nuva hna cu ralhrangbu thawngpang petu Dalan tiah mi nih an chim mi he peh tlaih in Yangon Khit Thet Media nih bia a fehter kho tih lo.

“meithal thong voi 3 ka theih. Dalan nuva kah an tong i a nupi cu an kah nak hmun ah a thi colh. A vapa tu cu meithal hliamhma he siizung ah a phan i a thi lai ma a nung lai ma ti cu ka thei lo” tiah khuami pa 1 nih a chim.

kah nak a dih hnu cun ralhrangbu hna nih Dagon tilawng seikkang peng le thlang lei Dagon peng kar Minyeekaungpone lam tiang lam khar in khrehlai nak amn tuah tiah theih a si.
Crd. Khit Thet Media

Be the first to comment

Leave a Reply

Your email address will not be published.