Thin Phang Ko : Ni Hin 11/3/2021 Ah Sui Khar Le Ralhrang Bawi Cu Victoria Camp Ah I Tawn Nak An Ngeih Tthan.

Tlanglo ah a caam mi Kawl ralhrang le Dr. Sui Khar atu nai ah an i tong than.zei ruangah dah victoria camp thingthing ah,ani tawn,hmun dang zawngah hmun tamtuk a um ve ko nain ti cu,mipi lei bia halnak cu asi.Kawl ralkap hi an zertuk i, a tu lio hi bantuk kan buai lio ah hin,Camp ah va kal i, biak cu an duh hnga ti cu ruah len awk a um mi cu asi.

March 10 ah Camp Victoria ah a kal mi Ralkap cu Tlanglo ah an caam i tuzing March 11 ah Camp Victoria ah kal than an i timh ca ah Dr. Sui Khar Thantlang lei in a rak ra i Tlanglo ah an i tong than tiah thawng kan theih.Hi kong ah Tlanglo khua upa pakhat nih “Atu nai chun 12:00 ah khan Thantlang lei in Dr. Sui Khar a rak phan i kan khua ah an i tong than.

Pu Sui Khar cu a rak men lo. An tih ngai ti a langtuk. Pu Sui nih ‘cunglei ka chawnh cang hna’ a ti hna i an dai.Nizan ah khan ralhrang hna cu 40 hrawng ah si i, a tu-ah cun 60 hrawng an si cang tiah theih asi. khuachung mipi hna nih cun,zeihmanh ani biaknak sual lam hi an thei ve lo i, an thin phang pah tawn tiah an chim.

Asinain cunglei nih rak kal than ding in an van ti hna ca ah a si rua. Cucaah Dr. Sui Khar nih ‘Bohmu pakhat le Ralkap pathum nih ka zul u’ a ti hna i atu nai ah khan Tio leiah an tum,” tiah a si i,poi tuk hringhran ko.

Camp Victoria lei in CNA pali an rak kai. Cun Dr. Sui Khar a van zultu pathum nih an zulh hna. Dr. Sui Khar nih “Ralkap Bohmu le a dang pakhat cu a motor ah a thutter hna i a dang pahnih cu motorcycle in an kal,” tiah a chimchap.Zing ah khan cun kan lungre a theituk nain atu Pu Sui a rat hnu cun kan lungretheihnak a dai, kan thin a phang ti lo, tiah a cunglei upa nih a chim.

Ralkap hi nizaan Camp Victoria an kal an kir hnu in tlung lo in Tlanglo ah an caam i khuachung Tualleng Sianginn ah hmunhma an khuar tiah thawng kan theih. Credit-The Hakha Times

Be the first to comment

Leave a Reply

Your email address will not be published.


*