Thlang Lei Laittang Matupi Khua Ah Cun,Ram Uico Hna Cawlcangh Cu Mak Tuk Hringhran Ko.

Thlangtlang chung i,um mi Matupi khuachung ah ralhrang nih tthalo tein mipi cungah tuahser nak an tuah ttheo rih. Matupi in alutchuakmi poah cu ralhrang hn anih khuabawi hnatlak pinak ca aa tel le tel locu a lutchuak mi sinah check nak an tuah hna. Hi bantuk an check nak hi May 9, nizan in an thok tiah theih asi.

Khuatlawng mipoah cu khuabawi hnatlak pinak catlap a ngeilo mi an sicun kalnak nawl le luhnak nawl an pe hnalo tiah khuami pakhat nih aphuan.Hakha le Mindat ahcun mipi kilveng tu ralkap CDF an um hnu cu khualtlung check hletnak avun tlawm deuh cang tiah theih asi. Matupi khuami pakhat nih cun a hlan zong kha check hletnak cu an tuah ko a siain atu bantuk taktak incun an kan tuah ballo.

Hmatpungttin ti bantuk zong in an zoh piak dih hna ti si.Aluancia April 15 thok in khan Hmatpungttin zong an check, khuabawi hlatlak pinak catlap zong an check cang tikah khuatlawn nak ah harnak tampi kan tong tiah a chim. Ralhrang hna cu Paletwa, Mindat le Hakha kalnak lamthluan ah hmunhma an la cuahmah ko. Ralhrang nih uknak alak hnu mitlaih ding a timi hi minung 8 an si ii a tlaihcia mi hi minung 5 an si cang tiah a chim chap.

Relchap: Ngaihchiatnak thawng- Falam peng C ZaHmaul khuami Pu Hrin Thawng kum (29) nih Clarkston, Georgia, USA ruah lo piin mual a kan liam tiah thawng kan theih. Atu bantukin mino te nih mual a kan liam taak hi cu sian a um hrimhrim lo. Pu Hrin Thawng hi fakhat ngeimi a si. Clarkson, Geogia, USA ah a chungkhar he khuasami a si. A nupi min Jessica Nei ti a si i an fapa min ah Habakkuk Lal Tin Thawng ti a si.

A thihnak a ruang hi an langhter rih lo caah, kan von langhter kho lo. Pu Hrin Thawng cu Pu Ṭial Cio le Pi Hluan Kim hna i an fapa a si. Hringtu a nu le pa hna hi C Zahmual Khua, Falam ah khuasami liomi an si. Cun, Pu Hrin Thawng hna unau hi unau chuak pa 8 an si i hmun dangdang an um hna ti si fawn.

An nau hna an min le an umnak hna cu; Christina Thluai Tling Atlanta, GA, USA), Sui Ngun Tling (Singapore), Daniel Coi (Michigan, USA), Nun Thluai(China),Cung Mawi (Yangon, Myanmar),Thawng Za Thluai (C ZaHmual Khua, Falam, Chin State, Myanmar),Lian Uk Thang (C ZaHmual Khua, Falam, Chin State, Myanmar) hna hi an si.

A thihnak konglam pehtlai in maw, siloah amah Pu Hrin Thawng kong pehtlai in thawngpang fiang deuh theih hngalh a duhmi nih Abishag Cer Ph: (404) 615 – 0552 ah pehtlaih in thil sining fiang tein hal khawh a si lai.

Credit : Chirhchan:CCUSA

Be the first to comment

Leave a Reply

Your email address will not be published.


*