Thong Ttha : Falam CDF Le Kawl Ralhrang An Ni Kah Nak Ah Ralhrang Bukyi Telh In Minung 6 Nun Nak A Liam.

CNDF (CDF-Falam) le SAC ralhrang minung 8 hna cu 2021. May 21 ni zinglei suimilam 8 hrawng ah khan Falam le kalay kar lam hmunhma pakhat ah an i kap i Ralhrang lei Bukyi telh in minung 6 an thi i, 2 hliamhma he an zaam. CNDF (CDF-Falam ralkap lei in pakhat Salai Cung Nawl Piang nih ram caah a nunnak a pek tiah theih a si.

Laitlang Leiah Rallokap Mawtaw 10 An Kai. May 21, tuzing 10:50 hrawngah rallokap mawtaw 10 hna cu Kalay-Waibulah lam in Laitlang lei ah an kai tiah theih a si. Hi a kaimi hna hi Sitha khua i meithal a kap lenmi kha an si, Sitha khuami cheukhat nih an chim.

CDF-Hakha nih Laitlang ah rallokap an chap chin lengmang hna caah kahdohnak a fak chinchin kho tiah a thanhmi kha a tling cang ko lai. Falam lebang cu a hlan i a ummi palik kha hmundang ah an thial viar hna i palik thar tam ngai an chiah hna ti a si.

Lumbang pawng kahdohnak an theih in Falam rallokap le palik hna cu ralring raktak in an um.

Credit : The Chin Post

Be the first to comment

Leave a Reply

Your email address will not be published.


*