Thongpang Ttha : KIA Nih Kawlkap An Phomh Tthan Cang Hna.Kawl Rahrang Tam Tuk An Thi.

Nihin ah KIA nih Mawhan khua pawng ah anmah dohding in a rak ra mi ralkap hna cu, lam in an rak bawh hna i,an motor zawng an khangh piak dih hna tiah theih asi.an ni kah nak hi Kachin Ramkulh Mogyein Pengkomh Mawhan khua pawng lamcung ah a si i,ralkap motor 4 cu Kachin Hriamtlai Phu KIA nih an kah hna i ralkap minung 20 leng an thi tiah theih an si.

Hi kah nak ah hin Min chim duh lo mi Mawhan khuami pakhat nih, “Ralkap motor 4 a rak lio ah an kahnak hna i, i minung 20 leng an thah hna pin ah an motor zong an khanghpiak dih hna,” tiah a chim. A Hliam mi belte zeizat dah an si lai ti cu thrih khawh an silo rih lo ti si.Hi ralkap a rak ra mi hna cu KIA doh ding in rak thlah mi an si i a hmun an phak hlan lampi ah an kah hna hi a si.

Hi bantuk in KIA nih kawl ralkap an kah lengmang hna i,tamtuk an thih cang caah hin,Kawl ralkap nih cun, KIA hriamtlai phu hna cu, i biak remnak ngeipi ding in, vawi tamtuk a sawm lengmang cang hna nain, KIA lei nih hin,cu an sawm nak hna cu, an rak pawm piak bal hna lo. KIA Kut in ralkap hna hi a thi mi le ai hliam mi an tamtuk cang ko.

Minung A thi mi long silo in, kawl ralkap sakhan tamtuk an ting piak cang hna i, an hriamnam vialte hna zawng an lak piak dih cang hna tiah theih asi.an hriamnam an lak piak mi hna cu, Motor ngam mi trip (10) reng lo phurh asi cang tiah thong kan theih.

Ref: DVB

Be the first to comment

Leave a Reply

Your email address will not be published.


*