Thongpang Ttha : US House Of Representatives Hna Nih Myanmar Kong Ah Bia Chah Nak A Tuah Cang.

U.S.A House of Representatives(MP) hna nih cun Myanmar buainak kong cu White House ah an ceih tthan i,a adongh nak ah Vote an thlak tik ah Republican Party Minung pa 14 nih zeihmanh kan ceih piak hna lai lo tiah Vote an thlak tiah theih asi.

Hi Republican Party hna hin,Nai te i, US President thim lio ah khan Myanmar nih cun, Donald Trump kha faktuk in an rak ttanh mi asi tiin an chim. A si nain atangmi (MP) 421 hna nih cun an konglam hi ttha tein kan zoh piak hna ding le kan ceih piak hna ding asi tiin vote an thlak caah, Myanmar ram kongkau ah US a rawlh ve cang lai tinak asi cang.

Thil hi a hman ningin kan ttial tikah mi cheukhat nih cun,phun dang ngai in akan ruah tawn.kan va ceih le kan va sawisel mi hna nih hin, midang cungah zei bantuk lungthin dah an put i an ngeih ti hi kan thei ve tawn lo i, a pawi ngaingai tawn mi cu asi.A tu-ah myanmar ralkap pawl konglam ah a ceih duh lo mi hna hi,Republican (MP) lei hi an si deuh.

Democratic lei hruaitu pakhat nih a chim ningah cun,mi ttha lo ralkap hna cu, zeitik hmanh ah thazaang kan pe hna lo tiah a chim.USA kan Phung ah cun, President nih hin,a duh ah cun, foreign policy hi a thlak khawh mi asi ko tiah a chim chap.

Cu caah a tu-ah US ram pumpi ai awhtu (MP) hna nih atu bantuk in bia chahnak an tuah mi hi, US Cozah zawng nih a zulh hau lai mi cu asi cang.A ruang cu cozah nih phunghram pi a ngei i, cu phunghrampi bantuk cun an kal ko cang lai tinak asi cang. phunghrampi cungah President zawng a um kho lo.

Credit : CCN

Be the first to comment

Leave a Reply

Your email address will not be published.