Thongpang Ttha :USA I A Um MI Lai Mi Kan Pa Le Nih,US President Joe Biden Sinah Bawmh A Kan Hal Piak Cang.

Lai Mi huap in bochan mi le Khrihfabu lei lawng si loin, Chin ramkulh thanchonak, miphun dothlennak ah thuk pi in hmaisuang a si mi hna UBCUSA kan pale nih tulio Kawlram boruak, Laitlang kan dirhmun kong he pehtlai in US President Joe Biden le Secretary of State sin ah bomh halnak ca kuat an tial cang tiah kan theih.

Tutan ah a bik in ca an kuat mi cu “Ralkap kut taang ah rian ka ttuan duh lo, Ralkap hramhram uknak ka duh lo tiah Civil Disobedience Movement (CDM) ah a lut mi, phundang in chim ahcun Cozah rian aa phuak mi hna bomhnak caah tiah President Joe Biden ca an kuat hi asi i lunglawmh awk ngaingai asi.

CDM caah CBCUSA nih US President le Secretary of State sinah ca a kuat hna tiah CBCUSA ah general secretary a ttuan mi Rev. Dr. Thla Awr Bawihrin sin in kan theih hi asi. Laitlang, Chin ramkulh Cozah rian aa phuak mi hna, Ralkap cozah a doh in sandah piahnak (CDM) hna caah tiah CBCUSA nih Chin mipi sin ah online in bomh halnak zong an tuah, cu pin ah US Cozah sin hrim ah bomhnak an hal chih hi asi. Pathian tu nih kan miphun caah thluachuah za pe chin lengmang ko hna seh law, an timhtuah mi tlamtling hram seh.Amen.

Be the first to comment

Leave a Reply

Your email address will not be published.


*