Thongthar: Minkin ah Ralhrangbu nih Khuami pa (3) an thah hnu ah an rauk, Chindwin Tiva ah an hlonh

Minkin ah khuami pa 3 cu Ralhrang nih an thah hnu ah Chindwin tiva ah an ruak an hlonh
============

Sagaing ramthen, Minkin peng, Kyawkkhetet(ကျောက်ခဲတက်) khua in khuami pa 3 cu ralhrangbu nih an thah hna i an ruak cu Chindwin tiva ah an hlonh hna tiah khuami an chim nak le khua hrihram thongpang nih a langhter mi ah theih a si.

khua hrihram thongpang,ThiGaDone News nih a langhter mi ah cun Nizaan August ni 16, pantaungphyu(ပန်းဆက်တောင်ဖြူ) ah a um mi Buisawhtee le ralkapbu nih Minkin area Chindwin Tiva tang lei Kyakkheehtet khua chung ah an lut hnoh hna hnu ah khuami cu an tlaih hna. August ni 17 ah Oo. BoAung kum 60, OO. Chitdwin kum 60, le Ko. PhooTaok kum 26 hna cu an thah hna hnu ah an ruak cu tiva ah an hlonh hna tiah theih a si.

” thah a tong mi mi pa 3 an ruak cu Chindwin tiva chung ah an fenh ter mi cu mithmuh tehte a um. An tlaih hna nak zong khuami nih an hmuh. An thah mi hna cu Khuami sawhsawh an si i PDF zong an si lo” tiah khuami pa 1 nih Yangon Khit Thit Media sin ah a chim.

Ralhrangbu cu Minkin lei i khaute hna ah an luh hnoh nak, khuami inn le thilri hna chuhpiak, lakpiak le zei hmanh a ruang um lo in khua mi tliah le thah cu zualchin ngai in an tuah thluahmah tiah theih a si.
Crd. Khit Thit Media

Be the first to comment

Leave a Reply

Your email address will not be published.


*