TIMOTHY LE NUPI An Nunning In Thazaang La Cio Hna Usih

Timothy cu a chukbaling in an thlai i, a hngawng ah thilritpi an thlaih pinah a chukbaling in an thlai. Au kho hlah seh an ti i a kaa ah puanchia in an tem chih. An tlaih lioah an hrem dingmi a tih tuk nain dai tein aa in ko.

Rom uktu bawi Arianus nih Timothy cu, Na zumhnak i let, Baibal cauk na thuhnak chim tiah an timi cu a nupi nih, na luatnak a si ahcun chim ko cang, tiah a hun ti ve. Timothy nih a nupi cu a hun raak i, Keimah na ka dawtnak ruangah Khrih na dawtnak maw thum citcek lai ci mu a vun ti.

Cucu Khrih caah thih ka ngamh ko a tinak a langthernak a si. A nupi, Maura nih a vapa bia a theih tikah a thinlung a hung thawng than. Rom ralbawi Arianus nih Timothy a lung thawnning le a nupi, Maura zong thazaang thar a hun ngahmi a hmuh tikah fak taktak in hrem hna u tiah degree a pek hna i, kaa in chim khawh lomi hremnak an in hnuah an nupa in Vailam ah artlang in an tah hna.

Zumtu Khrihfami hna hi harnak kan ton tikah hmunkhat ah thazaang fun le thazaang forh fial a hau tuk. Zumtu pakhat nih a zumhnak thazaang a der tikah a dang pakhat nih thazaang pek hi a biapi tuk. Khrihfa tuanbia kan rel tikah zumtu hna hi an i hlum i, an ngeihmi an i hrawm pinah lungrual tein thla an cam tinak zong tampi kan hmuh. Paul zong nih,  Dawtnak in i fonhtonh kha a kan duh(Kolose2:2).Harnak lio ah bia kaa khat nih thinlung a thawnter. By Rev. Sang Uk Cung GS,CBA,Kalaymyo

Be the first to comment

Leave a Reply

Your email address will not be published.