Tin Zar Wint Kyaw Kong Update

Ralhrang ralkap nih Shan ralkap SSPP uniform he hman aathla mi Thinzar Wint Kyaw cu Shan ramkulh Waihaing in Lasio a panh lio nak lampi ah an tlaih i, achung lei nih an peh tlaih kho rih lo.

Thinzar Wint Kyaw cu Shan sersiamnak  bu i ralkap pakhat SSPP cawlcanghnak muicaw ah a tel i, SSPP form he lem a cang. Lem an can ni July 4 ah SSPP ralbawi i fanu pasal ngeih puai ah SSPP form he a va kal ve. Cucu, ralhrang tantu pawl nih an rak hmu kho lo i, cu caah ralhrang pawl cu Thinzar Wint tlai dingin an forh hna.

Ralhrang pawl zong nih cun anmah tantu pawl i forhnak an lung lungah alut tuk i, Thin Zar Wint Kyaw cu a tlunnak lampi ah an rak tlaih. Ralhrang nih Thin Zar Wint Kyaw an tlaih timi hi a dik bak mi asi ko, a chuah khawhnak dingah hin theitawk chuah in kan zuam cuahmah lio a si tiah SSPP nih cun mipi sinah an chim.

Thin Zar Wint Kyaw hi SSPP caah lem a canmi ah hin Politics lei kong he zeihmanh pehtlai mi angei lo ti’n amah siseh SSPP zong nih mipi sinah chim fianh nak an rak ngei nain SSPP cu tlangcung hriamtlai pakhat an si ve caah dankalh thiamthiam a si ti in ralhrang leittnag pawl nih cun Thin Zar Wint Kyaw sual an kawl piak thiamthiam.

Tu ah hin ralhrang nih khawika ah Thin Zar Wint Kyaw hi an chiah ti theih a silo i, a chung le pawl zong nih an chon kho rih lo. SSPP lei nih cun ralhrang ralkap pawl cu Thin Zar Wint Kyaw thlah dingin an an chawnh len hna.

SSPP tthawngthanhtu nih cun Lemcang pakhat a si bantuk in kan ram thanchonak ding caah muicawl kan tuah i, cu ah cun lemcang dingin kan i chawnh. zei Politic zong aa tel lo. Lemcan adih le cangka in mopuai kan sawmnak ah a kal colh hi asi, athil phuan hi thleng manhnak can a ngei lo. Hi bantuk men ruangah ralhrang pawl nih an tlaih timi cu a ruang zong kan thei lo. Lemcangthiam an si i, lemcang dingin sawm khawh peng mi an siko. A luat khawhnak dingah theitawk kan zuam cuahmah ve ko tiah achim.

Australia Tilian An Tuar Ve A lioah  Asia hmun cheukhat ah ram tam ngai nih cun tilian an tuar i, mipi tampi cu tilian ruangah umnak hmun ngei lo an tam.

Australia khawpi pakhat Sydney zongah tukum chung lawngah hin tilian voi 3 an tuar cang i mipi thawng 50 leng cu an umnak hmun thial piak an si. Ruah asur tuk ruangah inn tampi cu ti ah an pil dih i electric mei zong a vang kho ti lo tiah teih asi.

Australia rampi huapin tu kum chungi tilian ruangah mi 20 leng an thi cang i, mi tampi umnak hmun ngei loin an inn chuahtak an tam. Greater Sydney ahcun an umnak hmun chuahtak dingin nawl an chuah cang i, tilian ruangah lo tampi zong arawk cang.

Central China zongnih ruah ih ruangah tilian an tuar ve i, mi tampi hmunhim ah an I thial ve. China zong kum tinten fur caan ah an buai ve lengmang. China hi buainak tlangpi cu tiva ih seh an bunh tam tuk ruangah ruah a sur ahcun tiva a khat colh i, khuapi chungah fawi tein ti a lut i a khat cawlh ton.

Cun India ram hmun cheukhat zongah ruahih ruangah tilian le leimin in an buai peng rih i mi a thi tampi an um cang. India ahcun Assam le Manipur nih tilian le leimin an tuar. Tilian le leimin ruangah mi tampi cu an inn le lo an chuah tak ve i, an himnak ding poah ah an an I dor cio. India cozah nihcun Assam tilian ruangi harsa pawl cu asi khawh chung in an buaipi nak kong mipi an theihter ve.