Tlang Cung Hriamtlai Phu Hna Ralhrang Pawl A Kap Rih Lo Mi Hna Nih Hin,Cawl Hna Sehlaw Zei Dah An Tuah Lai.?

ZEI DAH KAN TUAH AHERH VE HNGA.Ka dawtmi ca reltu hna tu tan zong Myanmar ram politic akal ning le atu lio thil acang mi thlir pah in ka nih nih zeidah kan tuah aherh ve hng ti hi i ruah tthan ka duh. Ka rak ttial cang mi cung ah comment tthattha nan rak pek mi cung ah kaalawm tuk ti kha ahmasa ah chim ka duh.

Ahmasa ka ttial mi ah “Myanmar ram hi atu ning te in kumkhat akal ah cun ralkap uk nak hi atthawngchin lai i uknak hi an peh kho azumh um tiah ka rak ti.Ni hin ni tiang ah KNU zong nih an mah state chung ah tei nak cu an hmu leng mang. Kayin ni (Kayah) zong nih an state ah tei nak an hmu ve. Ni zaan ah Di maw soe camp an lak. Ralkap an thah hna.

CRSS SSA le PPLA TNLA hna le KIA zong cu ti tthiamtthiam ansi ve.kahdoh nak ah mah le area cio in tlangcung hriam tlai phu nih tei nak an hmu cio. Alawm um tuk.Cu ve tthiamtthiam in Magawe Division Yangon Division Pegu Division. Sagaine Division le Arawadi Division hna zong ah PDF nih tei nak ah hmuh nak atam.

Hi tei nak an hmuh mi zoh tik ah mah le Area chung lawng ah asi i hmundang an kal kho lo. Chin state zong ah Mindat. Haka Falam CDF hna nih tei nak hmuh mi thawng tete theih khawh asi i alawm um ngai. Raldoh nak i tei nak kanti mi hi tei cia nak hmunhma kha fek te in defenseive tleihkhawh i contorl khawh lawnglawng khi tei ti asi ca ah atu PDF le CDF pawl nih ralhrang an thah hna e ti hi tei asi theng lo.

Tlangcung hriam tlai phu pawl an mah le an area cio ah colcang dih hna seh law kawl ram cu an mah kawl mi phun um nak Divesion pali nga te a si cang kohnga. Mah ka tu cu mipi kilveng tu hna angeih cio mi nih an tuai tam ve hna i adih ko hna.Atu ahtlangcung hriamtlai phu ah acolcang lo mi cu phu abiapi deu mi phu thum lawng an tang. Pakhat nak ah UWSA. Cun AA le CNF an si. UWSA hi cu mehehtil policiees an ngei ka ti. Khua an cuan Mipi nih uknak hnget an tlaih ah cun mipi lei ah kanttang lai.

Ralkap nih uknak an tleih peng ah cun ralkap lei ah ttan te lai policies an ngeih ca ah an col lo. AA tu hi cu anmah miphun politic policies ah fek tuk in adir mi an si cah an zei apoi lo. Duhlo nak langhter nak zong ah an i tel lo. Zei awka zong an chhuah lo. Ralkap le mipi an i doh i an thabaat caan an zoh diam. CNF cu minung an ngei lo hriam an ngei lo an cawl ngam ve lo. Nitlak lei hriamtlai pakhatkhat tal hi colcang vevha seh law ralkap an buai tuk cang lai.

Myanmar ram nitlak lei hriam tlai phu ah AALe CNF hi an si ko. AA cu anmah miphun politic in ankal ca ah an cawl lo ca ah an ram chung ah buainak le hnahnawh nak taktak aum lo. Asi kun ah atang mi cu CNF asi. Atu lio Chin state chung abuai cuahmah lio caan ah CDF pawl he kutsih in CNF hi colcang ve seh law ralkap cu an buai hrimhrim lai.

Asi lo kun ah zeidah kantuah khawh mi um.Ralkap uk nak dongcang seh ti naduh i kan Chin state tthaseh ti naduh ah zeidah kan tuah ve lai. Online ah comment in CNF soisial maw naa tlaih peng lai .NI hin Chin miphun kandih lak lungrual te kan tuah ding cu pakht lawng aumCu cu ka ram ca ah dothlen nak atuah tu hna CNF hi arang te in an tthawn khawh nak hnga tuahpiak hi asi. Cu lawnglawng ah ka fa le CDF pawl an tthawng lai i kan mipi an him lai.

Cu lo ah cun kan ram thil umtu ning le akal ning zoh ah ttih anung ko. Hi bia hi CNF ttanh nak ca ah ka ttial mi si lo. Ralkap uk kanduh ti lo. Online ah aukhuan menmen in zeihmanh san tlaih nak angei lo. Na tuah khawh mi a um ko. Na miphun hriamtlai phu kha tthaen ter. Cu cu natuah khawh mi thilbasi. Ivyel ve. Bawm hna. Soisial caan asi ti lo. Kutsih rianttuan caan asi.Asau tuk caah atawi nak in ka ttial mi asi. Comment rak ka pek piak u law chambau nak tete rak ka chim tthan u tiah kan nawl hna. Carel tu nandihlak cung ah kaalawm.

Credit : Mgkyaw Siakhel

Be the first to comment

Leave a Reply

Your email address will not be published.


*