Trump Nih President A Sinak Cu Sumdawngnak Ah A Hman Ti A Si Hoi Cang

Pu Trump cu D pawl nih a voi 2nak a sualnak an kawl cuahmah cang.zahan zan in Senate nih a sual taktak maw sual lo tiah kherhlainak an thok cang ti cu mipi nih theih dih a si.tu nai teah kan vun theih chap rih mi cu Trump nih US President rian a rak t’uan chung vialte ah US president a sinak cu sumdawngnak,chawhleh chawhrawl nak ah a hman tiah a thar in tazacuai t’han an timh tiah theih a si.hi konghe pehtlai in Washington post nih a langhter nak ah cun

Washington DC kulhchung vialte Hotel manager hna Hoteliers pawl hna nih cun Trump cozah nih hmun tampi ah Hotel an tuah i ramdang mi hna tlun in nak le duh paoh tlawn len nak caah hmun hma an ser piak hna.kan ram le kan mah hmunhma a si ko mi ah duh paoh in miphun dang le ram dang mi hna len nak ah Trump nih a mah nawlngaihnak in a ser mi hmun an si caah hi thil vialte cu hrawh si sehlaw,a mah Trump hrimhrim zong ningcang lo thil a tuah mi ruangah a hmuh awk a si mi hrem nak cu a cungah pek si seh tiah an chim.

Trump nih mah bantuk thil a tuah mi cu Constitution’s anti-corruption provisions phunghram a buar tiah Lower court ah Donald Trump cu taza an cuai t’han rih.asinain Scotus Us highest Court nih cun Trump konghe pehtlai in Washington DC Hoteliers pawl hna thil tuahmi cu tawlrel pi tlak an si loh.Trump cu US president a si ti loh tiah biasu an chuah mi cu a hnawl piak t’han hna tiah theih a si.

Amahbelte Trump nih US president rian a t’uan chungah ningcang lo in midang kut, ram dangmi hna sin in a mah kut cungah phaisa a rak lak a si ah cun hi tazacuainak hi kherhlai hau a si hnga.a tu taza an cuai nak ningin cun Trump hi taza an cuai khawh nak ding zei hmanh a um ti loh tiah a chim fawn.cun,Supreme Court justices minung 9 hna nih cun an hnawl piak hna.hi tibantuk in Trump tazacuai nak a khamtu hna lak ah minung pathum justices Neil Gorsuch, Brett Kavanaugh le Amy Coney Barrett hna hi cu Trump dirkamhtu an si.

Be the first to comment

Leave a Reply

Your email address will not be published.


*