Ttih A Nung Tuk Ko Cang : US Le Iran Kar Lak Buai Nak A Thawk Tthan Cang.

Joe Biden le Democrat hna nih cun President hlun Trump kha,raltuk nak hriamnam a hmang tuk tiah,an rak mawhchiat ngaingai tawn mi kha a rak si.an rak puh bantuk in ramdang hna lakah cun, hriamnam leh cu ani sumtuk ve cang ko nain,Iran lakah cun, hriamnam hman lo cu a si kho lo tiah an ruah caah, nizan nai te ah khan, Iran lei panh in, US bomber ttha bik asi mi B-52 pahnih cu a zuanter tthan cang.

Joe Biden nih hin President a rak sika teah khan ramdang he Diplomacy in pehtlaihnak kan tuah lai tiah,a rak aupi len nain a tu-ah a taktak in zeihmanh a tuah khawh lo tikah cun, a lung dawngtuk ve ko cang tiah ruah nak a um.US nih Direct in i kawmhnak tuah a tim nain, Iran nih cun a duh tthan lo i,US ruahnak cu a pawm piak tthan lo caah US nih cun, ni 40 a rauh hnu ah B-52 Bomber vanlawng cu Iran leiah a zuan ter tthan nak hi asi tiah theih asi cang.


Hi konglam he pehtlaih in Iran cu a thin hungtuk i,US nih a tuah ding hmasa bik mi,Iran he Economic Sanction hi akan on piak hmasa lo ah cun,US he kani pehtlaihnak hi,President hlun Donald Trump he kani petlaihnak bantuk kha asi tthan lai tiin US cu a hro len ve cang tiah, Iran News Agency nih cun a chim.zeitin dah ani peh tlaihnak hi an kalpi te lai ti cu theih khawh a si ti lo.

US B-52 Bomber vanlawng hi KG -32000 (70000-Pounds) a rit mi nuclear bomd a phurkho mi asi i, atui nai ah khan US nih Middle East leiah vawi (5) a zuan ter cang tiah theih asi. Iran Foreign Minister nih cun,US nih hi bantuk in,Iran lei panh in B-52 Bomber vanlawng a zuan ter hi a duh lo ngai i, Joe Biden Cu aka lawng si i, Trump nak in a zual deuh mi minung asi lai tiah a thin hunnak bia cu a chim ve.

Credit : Tehran News Agency.

Be the first to comment

Leave a Reply

Your email address will not be published.


*