Ttih Nung Tuk Si Ko Cang : KIA Nih Kawl Ralkap He An Ni Kah Nak Kong An Chim Mi Cu,Ttih Nung Kho Tak Tak A Si Cang.

(28April KIA Update) Alaw Bum Raltuknak A a zual chin chin ko cang.Kaphnih In A thimi An Um len cang.Kachin ramkulh,Mumoh peng chungah a ummi Alaw Bum pawngah KIA ralkap le kawl ralkap i tukdohnak a fak tak tak kaphnih in a thimi an um tiah theih a si.

Kawl Ralkap nih hriamngan,hriamhme he fakngai in an kahhna i kaphnih in a thimi an um tiah KIA chimnak nawl ngeitu Tongmangham Naw Bo nih a chim.Kawl ralkap hna nih Vanlawng le tang lei in ralkap an ni chap chin lengmang tik ah,tei an hartuk ko cang tiin an chim.

“Raldohnak cu pehzulh in a fak ngai ngai i kaphnih in a thimi an um” tiah a chim. Kawl Ralkap lei nih nizan in hriamngan le vanlawng an hman i Alaw Bum tlangah a ummi KIA Batalian 25 lei ah pehzulh in an kah hna tiah a chim.

Alaw Bum pawng hi ninga chung fak ngai in raltuknak a chuak,khuami zapi an zam hna tiah theih a si. Rallokap nih an umnak Alaw Bum tlang cu KIA nih March 25 ah an tuk i an lak,hriamnam tamlak te an lak chih.

Source: TCP

Be the first to comment

Leave a Reply

Your email address will not be published.


*