Tu Chun Thantlang kahdohnak ah Ralhrang pa 2 renglo an thi

Tu Chun Thantlang kahdohnak ah Ralhrang pa 2 renglo an thi
============

Chin ramkulh Thantlang khuachung ah nihin September 9, suimilam 1:00 hrawng in kahdohnak achuak, ralhrang phu hna nih khuachung ah hriamhme he hriamngan he hmang in an kah hna caah khuachung in hliamh mi an um, cun inn lo zong a hrawh len tiah theih a si.

Ralhrang phu lei in a tlawmbik minung 2 hrawng cu an thi lai tiah khuami pakhat nih a chim. Puahkeh a chuahnak hmun hi TBC Biakinn hmai le Market hmai le Market thlang lei hna an si, hmuntampi ah puahkehnak thawng cu kan theih tiah khuami pakhat nih a chim.

Thantlang ah bomb nih a tlak ruangah inn pakhat a kaang. Thantlang Biakinn sang Thlualam lam lei ah inn pakhat a kaang, cu inn a kaang mi chanh cio ding in darkhing tum a si na in , ralhrang nih leng chuakmi kah an timh hna caah a hohmanh kan chuak ngam lo tiah khuami pakhat nih a chim.

Ralhrang nih Hakha sibawi pakhat an tlaih. Hakha ah nihin September 9, chunhnu ah Hakha sizung pi, zunguk hlun si mi Dr.Mang Biak Kung cu ralhrang phu hna motor pahnih in a umnak inn ah tlaih in an kal pi tiah Chin World nih an langhter. Crd. The Chin Post

Be the first to comment

Leave a Reply

Your email address will not be published.