Tu Luk Long Hlah,Russia Nih Pei Min Aung Hlaing Hi A Rak Dirh Kamh Tuk Hi.

UN nih hin kawlram hi zeiti tuah khawh dawh asi rua lai lo e. Vawleicung UN Human Rights Council nih meeting tuah nak an ngei lio ah Kawlram ralkap nih aa-naa an ting hi ram tam deuh nih cun sual an phawt. UN Human Rights Council meeting an tuah nak ah meeting a kaimi ram dihlak ti awkin tulio kawlram ralkap cawlcangh le nawlngeihnak an laknak kongah an chim cio. An timi cu, Kawlram ralkap hi mi sual hrim hrim an si, Aung San Suu Kyi le Win Myint an tlaih mi hna cu a ran nakin kan thlah ter than hna lai tiah an ti.

Kawlram kongah biatak tein ruahnak achuah I, biachimtu ram hna cu; Portugal , Denmark , UK ,Germany , Italy, Spain , france , Europe ram , American ram , Canada , New zealand ,Norway le Finland ram pawl an si hna. Netherlands ram nih cun ralkap uknak tlaitu an bawibik Min Aung Hlaing cu cyber law in minung tamtuk a tlaih mi cungah a mawhchiat ngai ve ICJ pawl zong nan rian tuan peng ulaw tiah a ti chih hna.

Ukrain, Argentina , Venezuela ,Nepal le Japan ram hna nih cun kawlram ah a cang lio mi kong ah an thinphang nak kong le ralkap le NLD hi tha tein bia chim tti nak ngei hna seh law tihi an mah nih cun an duh bik mi a si tiah an langter ve. Muslim ram a simi Pakistan , Sudan , Bangladesh ,Turkey ,Qatar , Jordan, Tunisia le Libya nih cun Rohingya kong tam deuh an chim. Kawlram kong hi an buaipi ngai cio ti a lang.

Russia President Putin nih cun kawlram chungah mah thil a cang mi hi cu an mah le an mah karlak ah thei sual nak a um caah a cang mi thil a si. An mah ramchung buainak a si I, a tu ralkap an thil tuah ning hi ka duh ko tiah fiang ko in a chim. Cu lawng si loin China zong nih a ti ve mi cu, Kawlram an buainak hi cu an mah ram chung lila buai nak a si ko caah a tu bantuk in meeting hi kan tuah piak hna awk a si tiin ka ruat lo tiah a ti ve. A fiang komi cu, China le Russia nih cun Min Aung Hlaing nih uknak alak hi a tha tiah an ti.

Russia nih Min Aung Hlaing thiltuah mi a tha tiah a tinak a ruang hi ruah lo awk a tha lo. Russia nih kawlram cu aralthuam zorhnak ah a hman. Kawlram nih raltuknak vanlawng, helicopters, tankers, meithal tiang khi Russia sinin a cawkmi lawngte an si. Cu caah Russia nih kawlram cu sipuazi kuat ah a hman. Cu caah tutan UN meeting zongah Min Aung Hlaing adirkamhnak a si.

Be the first to comment

Leave a Reply

Your email address will not be published.


*