Tu Thla Chung ah CDF-Kanpalet nih SAC ralhrang 30 hrawng a thah cang

Tu Thla Chung ah CDF Kanpalet nih SAC ralhrang 30 hrawng a thah cang
===============

Fak ngai in kahdohnak a chuah nak hmun Chin ramkulh, Kanpalet in mipi vengtu ralkap(CDF-KANPETLET) le SAC ralhrang phu kar, September thlachung ah ralhrang phu lei in a tlawmbik minung 30 hrawng an thi cang.

Chin ramkulh mipi vengtu ralkap CDF-KANPETLET lei in hliamtuar minung pahnih hrawng an um nain an hliam tuar mi ah thinphan ding a um lo. Hramhram nawlngeihnak la tu SAC ralhrang phu nih khuachung ah RPG,60 mm, launcher hmang in an kah hna caah minung umnak inn, biak nak lei inn le khuachung lam cheukhat cu an rawk.

Khuachung hmun cheukhat ah a puak rih lo mi bomb zong hmuh a si caah, zaam ding in a harh mi, mipi hna nih a herhtuk mi dah ti lo, umkal hrial ding in a him lai tiah ruahnak hmun lawng ah um ding in ralrin nak an chimh hna.

CDF-KANPETLET nih mipi hna caah rawhral nak a tlawmbik ding in zuam a si, ralhrang uk hramchah nak ding le federal democracy dirh khawh nak ding ah, mipi hna zong nih dirkamh le bawmhding in nawlnak an tuah.

Falam peng Zawlnu, Thungthul, le Sumhrang khua nih zaan sianginn,ngakchia pawl cacawnnak an ngei tiah theih a si. Zawlnu khua hi thlakhat leng an cawnfcang i an khua i CDM siangcachim pawl nih an cawnpiak hna Thungthul khua cu an cawnnak zarhkhat hrawng a si cang i ramdang ummi Thungthul fanau hna nih chawva an thawh.

Cun Sumhrang khua hi nizaan September 14 zaan in an thok i cozah sianginn hon hlan chung kan cawng lai tiah an ti. Sumhrang Baptist Church i “Pastor Sui Uk Thang nib “kan i timhtuahnak cu a rau ngai cang nan,biakinn sak tibantuk he kan thawk kho lo, kan Khrihfabu in kan tawlrel nan,a kai tu cu khuachung ngakchia zate an si,tang 2 in tang 10 tiang an si i an zaten minung 50 hrawng an si,

kan cawnmi cu English, Myanma, Myths, Lai ca, Reading times le ngakchia caah zukthai tibantuk a si “tiah a chim. An ca cawn caan hi ngakchia bik hi suimilam 1 hrawng,a lai i suimilam 1:30,upa bik hi suimilam 2 an cawng,cawnpiak tu hi khuachung in tang 10 lim le tang 10 kai cang 8 pumpek in an cawnpiak hna. Crd; The Chin Post

Be the first to comment

Leave a Reply

Your email address will not be published.