Tuluk A Zer Khawh Ning Hi ? A Sian Summit Meeting Ah Min Aung Hlaing A Sawm Cang.

A ra lai mi tu thka 27 March ah,ASEAN ram hruaitu Leader pawl nih Myanmar mipi dirhmun zoh loin mithat Lainawng pa Min Aung Hlaing cu ASEAN Summit (ASEAN ram chung hruaitu Lutlai tonnak) ah an sawm ve. ASEAN Submit ah Kawlram aiawh in Min Aung Hlaing a kai ve ko lai tiah Thailand ramdang vuanci nih nihin ah fehternak an tuah hi asi.

Myanmar aiawh in Min Aung Hlaing pin ah ASEAN ramchung hruaitu lutlai pawl tampi nih tutan ASEAN Summit tonnak ah kan kai ve ko lai tiah fehternak an tuah cang, hruaitu pawl tling ngai in an rak kai kho ko lai” tiah Thailand ramdang vuanci lutlai a si mi Tanee Sangrat nih Media pawl sin ah a theihter hna hi asi.Abik in Kawlram kong, tulio Kawlram buainak dirhmun ceih ding in ASEAN Summit pi hi timhtuah a si i Indonesia ram khuapi ah an tuah ding mi a si.

Nizaan ah CRPH lei nih Dr. Sasa nih “Tutan tuah ding mi ASEAN Summit ah mithat Lainawng tu a simi Min Aung Hlaing hi an sawm hrimhrim awk a si lai lo. Min Aung Hlaing meeting kai ve ding in an sawm ahcun Kawlram mipi dihlak zei ah an kan rel lo zong a si lai, cu pin ah Min Aung Hlaing nih a thah mi hna minung 714 le an chungkhar cung ah fahnak an khin chih bantuk a si.

Asia ram pawl nih Mithat Lainawnnak a tuah cuahmah ko mi Min Aung Hlaing hi an dirkamh awk a si lo. ASEAN Summit zong ah Min Aung Hlaing an sawm ahcun Myanmar mipi kan lungfak ngai lai” tiah a chim.A si nain nihin ahcun Thailand Vuanci nih “ASEAN Summit ah Min Aung Hlaing a kai ve ko lai. Kai ding in timhtuahnak zong a ngei ve ko cang” tiah a chim hi asi.

A tu Myanmar ahhin, nitin te in tuksapur thahnak a tuah lengmang ko mi Min Aung Hlaing cu ASEAN Summit ah an sawm ve caah Asia ram hruaitu pawl nih Myanmar ram chung mipi dihlak an kan leirawi bia le Min Aung Hlaing an dirkamh bia asi ko tiah mi tampi an vuivai len cang.
Credit : VOA

Be the first to comment

Leave a Reply

Your email address will not be published.


*