Tumcawk Pathian Asi Nak Alang Ko, Lomh Aum Tuk E

A tlai ballo mi,Pathian nih cun a caan te ah a mi hna kilvennak rian cu a ttuan tawn i,a tu zongah a ttuan cang caah,”Bawipa cu thangthat in um zungzal ko seh.

Tunai te bak ah khan vaurawng Zunthil nih CNA sin ah vanlong kahnak a phan cang tiah an chim. A tlai bal lo mi kan Pathian a si nak mit hmuh kuttongh khawh in a rak lang.

Tu hi ralhrang nih Victoria Camp lak an i timh caah Kalay myo in nizan ah Laitlang lei ah motor tam taktak le Tank pahnih he an kai ti cu zapi theih dih a si. Mah ruang ahcun lungrethei in kan um lio pi ah CNA kut cung ah vanlong kahnak a phan tiah theih a si.

Ralkap nih tei dingin an fuhmi, Victoria camp cu thlam sawhsawh te a si te lai. Victoria camp tak cu an hmu lai lo. Chin ram dihlak hi Victoria camp a si zong kha an ifiang lai lo. Victoria camp cu chinmi thinlung ah a ummi a si, timi zong an hngalh lai lo. Cucaah, Victoria camp tak cu, zeitik hmanh ah an la kho lai lo i, an tei kho lai lo.

Israel pawl an hmai ah Rili sen pi a um. An hnu in Faro Ralkap nih an kulh hna. Rili le ral karlak an um lio ah karlak ah, a cheu nihcun Faro sal dirhmun ah kir an duh tiah an zai. “Faroh sal si a nuam deuh” tiah a cheu an zai bantuk in,,

nihin Kan ral nih an kan dum cuahmah lio ah, a cheu nihcun, Ralkap tang idawr ziar in an sal si hi kan him deuh lai. Kan doh hna ahcun an kan thah lai” tiah an zai len ko lai. Cuticun, an zai cu Pathian kan lei ah a ttan an hngalh lo caah le, teinak kan sin a um, an hmuh khawh lo caah a si.

1967 Kum, six days war tiah hngalhmi ah, a dir ka mite, Israel ram, ram fate cu, Muslim ram, ram ngan pipi ram 5 nih an tuk nain an rak tei lo. Zeicatiah, an lei ah Pathian a um caah a si.

Zoh hmanh u! MAH ralhrang tanks nganpipi le meithal thatha hna cu, an zaam tak te lai i, an rak iphawrhmi meithal lila in anmah kha, kah an si te lai.

Be the first to comment

Leave a Reply

Your email address will not be published.