Tuni Mindat-Matupi kar i kahnak ah Ralkap 10 tluk an thi

 Tuni Mindat-Matupi kar i kahnak ah Ralkap 10 tluk an thi, CDF-Mindat in pakhat nih a nunnak a pek i Pahnih hliamhma an pu Matupi in Mindat lei ah a kir tthan mi tank pahnih le ralkap motor 75 cu CDF-Mindat nih Mindat-Matupi kar lam hmunkhat ah an kah hna.

Cu kah nak ah cun Ralkap 10 tluk an thi i hliamhma pu mi an tam. CDF-Mindat lei in Pathum an hliam i pakhat cu a hliamhma a ngan caah a hmun ah a nunnak a liam. A dang pahnih hliamhma cu thinphan ding a um lo tiin CDF-Mindat chimphuan nak nawl ngei tu pakhat sin in kan theih tiah the chin post nih a langhter.Rallokap sin in minung pahra thih I CDF lei in pakhat thih ve cu kan pam tuk, kan nih chinmi cu kan tlawm an mah lei zakhat ah pakhat thi ding hmanh ah kan pam tuk. A zei a si hmanh ah kan a thi mi cu kan thi cang ko a tang rih mi tu cu Pathian nih kan umpi, kan veng ko seh. Kan lung a tha hrim lo.

Chinmi cu kan tlawm leng ah thih kan I fah sak tuk, cu hlei ah ralkap kut in thih ding cu kan duh hrimhrim lo. Kan biakmi Pathian cu zeizong tuah kho tu le a um lo mi a umter tu hmanh a si ko caah kan I bochan nak hi zorter hrimhrim hlah u sih. Thawngpang chia lak ah thawngtha kan theih I teinak tlamtling kan hmuh caan a phan deng ko. Pathian sinah thlacam in I tang rih ko u sih.Kan dirhmun le kan dohmi a theih dih tu cu Pathian asi, a tu kan dohmi hi a hman mi le a dik mi a sic aah thilhmanh le thildik a tanh tu cu kan Pathian a si, amah nih a kan umpi lai I kan doh mi ral hi an dih lai I, zeitik hmanh ah kan hmu than ti hna lai lo. Pathian bochan bu in teirial I zuam cio ko u si.

admin

Be the first to comment

Leave a Reply

Your email address will not be published.


*