U Myo Thit  Kum 2 Thongthlak Ding In Bia An Khiah Piak

Mandalay ramthen I kokek le pawngkam thilri zohkhenh tu (vuankyi) Resource Minister U Myo Thit cu rampi na rawhter dih tiah anti caah pohmah 505 khah case an awh ter i, kum 2 thong thlak in rianhrang tuanter dingah bia an khiah piak tiah theih asi. Kawlram ah cun Vuankyi zong thong an tlak ah cun rianhrang tuanter an si ko.

U Myo Thit hi ralhrang nih uknak an lak hnu January thla ah khan an rak tlaih cang I ni hin ah biaceihnak zung ah an chuah pi i sual dantat nak phung 505 khah in dantat nak an pek hi asi tiah biaceih zung he aa naih niam mi nih an chim.Ralhrang kut tang i zung pakhat ah riantuan tu pakhat nih cun atu bantuk in U Myo Thit an tuah nak aruang cu National Democracy Party Center nih cathanh an chuah mi cu maivan(social media) cahmai ah atar caah asi tiah anaih niam mi hna sinah achim ve.

U Myo Thit hi 2020 mi thim kum ah khan Mokok myone in ramthen aiawh tuah NLD party in arak dir mi asi i teinak zong arak hmu tu zong asi. Ralhrang nih hramhram in nawl ngeih nak an lakhnu in Mandalay ramthen chung Ministers (Vuankyi) vial te cu pohmah aphun phun an awh ter hna i an thlaih hna thongah an thlak hna dan an tat hna pinah adot dot in an si ning an thumh cuahmah hna. Source BAP

Be the first to comment

Leave a Reply

Your email address will not be published.