UEC Chairman Le Min Aung Hlaing Nih NLD Thong Thanh Nak An Tuah Cang I,Zei Tin Dah NLD Nih An Leh Hna Lai?

Min Aung Hlain le UEC thar Chairman U Thein Soe nih NLD thawngthanh mi zeitindah an leh lai ti zoh si cang.February 26 Union Election Commission thar le Party dang meeting an tuah, UEC chairman thar nih 2020 election result cu cancelled a si than tiin thawngthanhnak a tuah.

Mah hnuah NLD party nih lehnak an tuah ve i, election Commission thar biachahnak a tuah mi cu an cohlan lo tiin an phuan ve.NLD party nih an chim ning a cun, phunglam lo in dirmi UEC hi kan cohlan lo mi a si, cun UEC thil tuah mi hi kan thei pi mi zong a si lo tiin thawngthanhnak an tuah. Credit: BBC Burmese.

Kum 2020 ah mipi nih an thim mi le an duh ning tein Election phihchuak cu New Commission chairman U Thein Soe nih cohlan a si lai lo tiin biakhiahnak a tuah cang.Election Commission hlun kha, ralkap, Min Aung Hlain nih a hrawh i, a thar a ser. Mah ahcun New Commission Chairman caah U Thein Soe cu thim a si.

New election commission chairman U Thein Soe nih a chim ning a cun, kum 2020 election cu cohlan a si ti lai lo, Election phichuak vialte kha hrawh atu thawk in cun phih dih a si lai tiin a chim.Myanmar National Congress Party President U Kaung Myint Htut, zong mah meeting ah a tel ve i, 53 commission le 53 political parties cu tu ni ah Union Election Commission office Naypyitaw ah kum 2020 election kong kha a ceih.

Tu ni an ceih mi ah, kum 2020 i thimnak ah dik lo le hrokhrawl in vote a thlak mi pawl hna hi zeitindah tuah an si lai ti kong zong cei a si i, dik lo le hrokhrawl in a tuah tu NLD party cu dantat an si lai tiin an chim.Cun mah meeting ah a tel mi party dang nih, Election Commission Chairman sin ah, Tu ni ah mah meeting ah a tel lo mi party vialte cu hrawh dih di seh ti an ceih.

Tu ni ah Union Election Commission le Political Parties meeting cu tu zing ah Union Election Commission Office, Naypyitaw a tuah a si.Parties 53 le Union Solidarity and Development Party zong an nih tel. Parties 38 parties an nih tel lo i, party 53 political an nih tel. Kawlram ah hin Election Commission record nih a langter ning a cun, 91 parties a um. Credit-Chin-Media

Be the first to comment

Leave a Reply

Your email address will not be published.


*