Uico Pa,Min Aung Hliang Cu, A Lungre Lawng Thei Ko Cang E,

SAC ralhrang hna cu raltuk nak van lawng he ,aj long si loh in, raltuk nak motor hna le a dang meithal hna mah long si loh in thil dang tam pi he in CDM tuah ding in, NUG upa hruai tu sin hna ah cun, pehtlaih nak an tuah tiah theih a si.

Relchap,LBC ah cun ka Lai ngai tiah Rev. Dr. David Van Bik nih Lai Baptist Church LBC, Rangoon i phung a chim lio ah a rak ti. Cu lio cu Rangoon khua i Laimi kan van karh ngai lio caan a rak si. Kawlholh hmannak khua ah Laiholh tha tein kan rak hmannak le Lai sining in kan thutdirnak a hmuh tikah a lunglawmhnak a chim ko tiin kan rak ruah cio.

Atu hrawng Lai ca in tialmi thawngpang cachuak a karh ngai. Ramleng kan phaknak a van sau deuh i ramleng lei nih tuahmi maivan thawngpang online news cachuak zong a karh ngai. Kum tampi chung kan rak tuah khawh lomi asiloah tuahnak nawl kan hmuh lomi a si ruangah atu bantuk caantha kan hmuh khawhmi kha thiltha ah ruah cio a si. Asinain, rel tikah an kan Laiter lo ngai.

Kan ngeih komi Lai biafang hmang loin Kawl biafang kha Lai cafang fonh in tialmi nih a kan doh khun. Peng le khua min, thilri le minung min pawl zeimawzat zong rel tikah theihfian khawh lomi an um len. Chin State asiloah Chin Ramkulh zong kha ‘Chin Pine’ asiloah ‘Chin Pyine’ tiin kan tial.

Maivan cachuak rel ko ah a zual khun rua ti awkin a um. Caan ngeih lo ruangah a si kho i daithlan ruang zongah a si kho thiamthiam. Asiloah, thuk deuh ruat set loin a fawizaannak tu in tuahmi a si ruangah a si kho. Maivan ahcun aho hmanh nih uk loin mah tein tuah khawh a si ruangah pumpak zalonnak kan hmannak hmun a si ruang zongah a si kho. Asiloah, belh le thlaikeo a thleidang kho rih lomi kan si ruang zongah a si kho ve.

Ram a van i thleng i caholh lei ah kan thlaici tuh a tha ngaingai. Kan i lawm cio. Nain, belh a keomi tete cu a hram in phur i thah colh lengmang ah a tha. Cu lo ah cun a kan Laiter lo lawng si loin a kan laiter di

Thawng dang,Zawtnak hi vawleicung ah phun tampi a um i mah chung ahcun minung tampi zawtnak vialte lak ah a fak cem le a har cem a si lai tiah an ti mi zawtnak cu Hafak zawtnak khi a si. Hafak zawtnak cu zeitluk in dah a har le a fah timi cu a ing ve rih lo mi caah cun chim awktlak cu a si lem lai lo.

Hmanh sehlaw Hafak a hmang tawn mi hna caah cun zeitluk in a fak tihmi cu chim khawh ding hmanh khi a si lo. Patling Nutling bak khi Hafak ruang ah chunchun zanzan bak in a ttap mi zawng an um tawn. Minung tampi an Hafak mi ruangah phaisa tampi dih in sizung ah aipiah mi zawng tampi an um tawn.

Phaisa tampi an dih hnu hmanh ah khin minung tampi cu an Hafak a dam kho hlei lo mi zawng an tampi ve. Mah bantuk minung pawl caah fawitein Hafak damter ning le i thlopbul ning a tanglei ah hin ka rak langhter hna.

A hman ding mi kokek sii hna cu: Pakhatnak ah Changreu sernak Soda, Pahnihnak Reite, Limbu Pathum nak Aihre meh kio caan i kan thlak tawn mi. Mah hna pathum cu Reite hang he khan cawh hna law nikhat ah vawi hnih lengmang in na Hafak nak ah khan thuh piak.

Nikhat ah  vawi hnih,vawithum peng zarhkhat chung na thuh piak ahcun zeitik zawn ah dah na Hafak a dam hmanh na thei manh lai lo. Mah kokek sii phunthum hi zum lo rak um hrimhrim hlah Hafak hmangmi hna nasi ve sual ahcun rak tuah ve hmanh naa ngaihchih bak lai lo.

Relchap,Israel Palik nih cun Jerusalem chaklei i Al Aqsa Mosque, Muslim biaknak a zultu hna le Jews miphun ca ah hmun thianghlim cu an va luhhnawh i, buainak a chuah caah Pelestine mi minung 100 hrawng hliam an tuar, tiah Al Jazeera nih a ṭial.

Cuka temple i a um mi pakhat nih cun, Cawn ninga ni zingka teah minung thong tampi cu thlacamnak ding in Temple ah an ra i, Zingkhua a dei hlan ah Israel palik zong hi a hung phan, tiah a chim.

Buainak a chuah lio video i a langhning ah Palestine mi hna nih cun lung in palik cu an cheh hna i, palik lei nih mipi ṭhawlnak ah mitthli tlaknak siivai khu le granade in an cheh ve hna. Video clip dang i a langhning ah cun thlacam ding i a lut mi hna cu mitthli tlaknak siivai khu nih a zelh hna lio ah hmunkhat ah an i pumkhawm hna.

Palestine Mibawmchantu hna nih hliamtuar mi tam deuh cu siizung ah chiah an si cang, tiah an chim. Temple buainak i a um ve mi pakhat nih cun Temple security hngaktu pakhat cu a mit ah khaihriat, rubber kuan in hliam a si tiah a chim ve.

Palestine media hna nih cun, Israel palik nih Palestine mibawmchantu motor ambulance cu hna an hnawh hna i, temple chung ah hliam tuar mi zeimawzat lakchuah khawh lo in an taang, tiah an langhter

Hilio ah Israel Palik lei nih cun Muslim le Jews mi hna hmunthianghlim Temple ah hin buainak a tuahtu mipi ṭhawl ding in an kal kong an langhter ve. Israel palik hna chim ning ah cun, Temple nitlaklei vampang i.

Jews Judah mi, thla a cam lio mi hna cu Muslim pawl nih lung in an cheh hna caah Judah mi hna lung in a cheptu cu mitthli tlaknak siivai khu in an ṭhawl hna.

Jerusalem khuapi i a um mi Al Aqsa temple hi Jews miphun le Muslim biaknak a zultu hna nih hmun thianghlim ah an ruah i, an tlaihchan tuk mi biaknak hmun a si caah kum fatin thlacamnak ngei ding a thongthong an kal tawn.

Biaknak le nunphung aa khat lo mi miphun pahnih an i ton tawn caah hika hmun ah hin buainak a chuak tawn i, ram pahnih Isreal le Palestine karlak zong ah buainak a chuahter tawn.