Uico Ralhrang Hna Nih Ralkap Ah Kum Tling Lo Mi, Tam Tuk An Lak Cang Hna.

Myanmar ram chung hmunkip ah rallo kap pawl cu mipi hna nih an rak doh peng cio hna tik ah rallo kap pawl cu an i phanzo bak ti loh. Mah ruangah cun hngakchia kum tling lo tiangin rallo kap caah an luhter cang hna. Cu tiin kum tlinglo riantuan ter le a hlei in hriamnam hna tlaih ter cu daan nih a duh lo taktak mi asi.

Rangoon, Naypyidaw, Pyinmana khuachung i zan duty rallo kap hna lak ah hngakchia kum tlinglo an i tel tiah khuachung mipi hna nih an mit in an hmuh mi kong cu an chim.

Khuachung minung pakhat nih April 30 zan suimilam 7:00 hrawngah rallo kap pawl hna cu an rak lut i hngakchia tete kum tling rih lo mi hna zong rallo kap lak ahcun an i tel i, cheukhat hna cu kum 16 hmanh an tling rih loh tiin Rangoon Times thawngzamh tu sinah a chim.

Ralhrang hna nih nawlneihnak an lak hnu in mithi zong an tam tuk cang. Kachin le Karen ramchung cu rallo kap pawl an thlanmual ti awk tluk asi cang. Ti lei ralkap, sibawi ralkap le vanlawng ralkap tiangin lamzawh tu mipi hna buai dingin an thlah hna nain an i daih hlei lo ruangah hngakchia kum tlinglo tiangin an hman cang hna tiah an chim mi cu si.

Be the first to comment

Leave a Reply

Your email address will not be published.


*