Ukraine nih fak tuk in Russia cu an hna ca ah. a ralkap tamtuk an thih ruangah a mah tiang ralram ah a kal ve ruangah a nun nak a pek

Russia nih Ukraine cu February 24,2022 zinglei khuadei lai te ah khan a kah hna. Missile le Tank in a kah hna i tlawmpal ah Jet fighter le Helicopter in a kah rih hna. Tlawmpal ah ramri ah Russia ralkap pawl cu Tank in Ukraine ram chung ah an lut thluahmah hna.

Cutincun teady in a um cangmi Ukraine ralkap hna nih Russia ralkap pawl cu an kah ve hna i nihin March 1,2022 tiang chun he zan he din lo ti awk in an i kap. Russia ralkap lei a thimi hi nihin chun tiang ah minung 6000 an tling cang. Nikhat ah minung thong reng lo peng an thi tinak a si.

Russia nih Ukraine ram cu nikhat ah ka lak dih lai tiah ai ruah i nikhat bak ah hmunkip in Russia nih an luh hnawh colh hna. Sinain Ukraine ralkap hna nih ready tuk in an rak kah ve hna caah tu tiang ahcun Russia nih a la kho rih lo. Ukraine ram chung i Russia ramei lei kap poh hi cu raktuknak a fak taktak.

Ukraine khuapi Kyiv hi Russia ram he ai naih ngaimi khuapi a si caah le Kharkiv khuapi zong Russia he ai naih ngaimi khuapi a si caah Russia ralkap zong hi fawi deuh in khuapi chung ah an luh khawhnak cu a si.Tuan deuh ah Russia ralkap Kyiv le Kharkiv khuapi chung ah a rak lutmi Tank pawl kha cu an ciam dih cang. An tlau dih cang. Sinain a tu hi a thar bak in

Russia ralkap Motor rel cawk lo bak nih Kyiv khuapi cu an fuh. Kyiv khuapi in meng 15 hlatnak ah an um cang. Russia ralkap Motor a tamtuk ning ahhin lampi meng 40 chung hi Russia ralkap Motor ai tlar ti a si.

Ukraine ralkap le mipi hna nih Motor cu lampi in an kham hna. Drone bomb in Motor pawl cu an kah hna i an puak len.NATO le US nih Ukraine himnak cu kan si khawh chung in kan i zuam lai an ti caah hriamnam thatha cu Ukraine ralkap an pek hna. Nihin tiang ahcun an i veng kho rih. Russia nih fawi tein a tei ti lai lo.

 

Be the first to comment

Leave a Reply

Your email address will not be published.