Ukriane Le Rassia Kong Lam Fiang,Tein Theih A Duh Taktak Mi Hna Nih Cun, Rello Cu Apam Tuk Rakrel Ve Hrimhrim.

Ukraine ramchung Khiv hmunhma pawngkam vialte cu Russia ralkap kut in an laak khawh than cang nak cu Ukraine ramchung runvennak deputy minister nih April 2 ah thawng a thanh.Cuka hmunhma le pawngkam vialte cu Russia ralkap kut chungin zalonnak an hmuh cang tiah Ukraine ramchung runvennak deputy minister nih fiang tein a chim hi a si.

Khuapi le pawngkam khuate 30 cu Russia ralkap kut chungin kan laak than khawh cang tiah Ukraine Cozah zong nih cathanh an chuah cang.Russia nih Ukraine nitlaknak leiin a ralkap hna cu duhsa duhsa tein a laak thluahmah cang hna tiah Ukraine President nih a chim.

Asinain Russia ralkap hna nih Ukraine ramchung hmun tampi ah vawlei tangah bomb an phum dih caah mipi nih i ralrin a herh taktak rih ruangah mah le umnak inn ah rak kir rih lo dingin president nih a forh hna.

Ukraine nichuahlei ahcun Russia ralkap nih kahdohnak thazaang an chap chin rih caah Khiv khuapi le cuka lei pawngkam hmunhma i tlanglawng i dinhnak station pawng i a ummi Ukraine ralkap hmanmi kuanfang khammi tank le oil an chiahnak hmunpi cu vanlawng in kan phomh tiah Russia runvennak vuanci nih April 2 ah khan a phuan.

Ramhnih karlak ah kahdaihnak kongah tonbiaruahnak an ngei lengmang nain i hmuh thiamlonak a chuak lengmang,Ramhnih president veve cu Turkey ah tonbiaruahnak an ngei kho tiah Ukraine rammi remdaihnak sertu palai pakhat nih a chim.

Thawng pang dang,Battalion 304 Le 140 Sakhan In An Kahmi Hriamngan Thawngpang Cu Matupi Khuapi Chungin An Thei,April 3 zaan sml 10:00 thawkin Matupi khuapi ah a ummi 304 le 140 Battalion leikap in hraimngan pehzulh in an kahmi thawngpang cu Matupi khuapi chungah a ummi nih an thei. Hriamngan an kahnak aruang tu hi theihfian a si rih lo:Crd: The federal Times.

Ram pakhat a damnak le òhatnak cu ram hruaitu cozah kut cungah tampi aa hngat. Cozah òha nih ram an hruai caan ah ram a òhangcho i ram mipi an i lawm. Cozah òhalo nih ram an hruai tikah ram a òumchuk i ram a buai tawn. Cozah òha le òhalo sinak caah thil pahnih nih lai a rel ngai tawn. Pakhatnak cu cozah ah a kaimi ramkhe.l

party nih ram caah òuanchuah dingin a dirpimi tlaihtleng policy a òhat le chiat cungah aa hngat tawn. Pahnihnak cu cozah tlaihtleng cu atak in a òuanchuah khotu hruaitu òha party nih an ngeih le ngeih lo cungah tampi aa hngat ve fawn. An pahnih in tlukco tein an biapi veve.

Atu lio Kawlram politics tiluan le kan Chin miphun dirhmun zoh tikah kan ram caah a dirmi ramkhel party nih a tanglei ramkhel tlaihtleng pali (4) hi an ngeih hrimhrim a herh in a lang.

Thawng dang Biapehpar, Miphun tampi fonh in dirhmi Kawlram caah democracy lawng a za lo. Federal uknak phung lo cun Chin miphun tel in tlangcung miphun nih zeitik hmanhah kan covo kan hmu kho lai lo. Kawl cozah tangah kan um peng lai i, Chinram chungah kanmah tein khuakhan lairelnak nawl kan ngeih kho lai lo. Cu tikah kan ram cu kan miphun caah a òha bik in kan sersiam kho lai lo. Cucaah federal khel dingin tlaihtleng ah a dirpi i aa zuammi party cu kan miphun nih a herh i, kan dirpi zong a herh.

  1. Miphun Òhanchonak: Rakhine chim lo cun Kawlram chungah a sifak bik le a òhangcho lo bikmi state kan si. Òhanchonak cu mizei party cozah an kai zongah an òuan ko lai. Òhanchonak hi mithmuh khawhmi thilri (materials) le lam, mei, innlo (infrastructures) lei òhanchonak lawngin a za lo.

Ram minung kan thinlungput le khuaruahning a dam le a san i, fimthiamnak (human resources) lei in kan rum a herh khun. Ramdang mi hna fimthiamnak i bochan lo in kanmah tein Chinram aa sersiam khawhnak caah a herhmi fimthiamnak kan ngeih a herh. Fimthiamnak lei kan san paoh ahcun òhanchonak cu òhen awk òha lo in kan hmuh ding theipar a si. Cucaah, fimcawnnak ah thazaang chuah aa timmi party hi kan herh i, kan dirpi ve zong a herh.

  1. Miphun Lungrualnak le Funtomnak,Chin miphun in ramchung ramleng kan dihlak million pakhat hrawng telawng kan si. Milu tlawmte kan si ko nain miphun pakhat sinak ah kan lungrualnak thazaang a derthawm ngai. A ruang zoh tikah.

Chinram uktu siangpahrang tibantuk kan rak ngeih lo ruangah siseh, tlangholh kan ngeih lo ruangah siseh, miphun dang Mirang le Kawl pennak tangah caan sau tuk chung kan um caah a si. Cu nih atu tiang mah le pengtlang hoih in òanrualnak thazaang tu a òhawng i, miphun huap i funtomnak le òanrualnak thazaang tu cu a derthawm ngai.

Cu chinchap ah ralzaam in vawlei cung hmun zakip phan in kan i òhenòhek. Hi vialte kan i òhennak hin kan miphun a funtom i, Chin miphun pakhat kan sinak le Chinram sersiamnak caah miphun dihlak lungrualnak a ser khotu ramkhel party cu kan herh hringhran ko. Cu bantuk party cu mipi nih kan dirkamh ding a si.

  1. Miphun Himnak le Runvennak,Miphun himnak le runvennak mit in zoh tikah kan miphun dirhmun hi thinphan dai lo kan si. Miphun ngan pipi: Vai, Tuluk, le Bengali le Kawl nih an kan kulh dih. Kan i runven lo ahcun kan biaknak, nunphung le caholh cu caan tawite chungah a tlau khomi a si.

Milu 500,000 hmanh Chinram ah kan um lo. Cu tikah miphun dang cu um rih seh, Kawl miphun lawng million 40 nak tam, nih caan tawite chungah tilian bang a kan chilh khawhmi kan si. Miphun sinak aa rungveng kho lomi miphun tampi an lotlau cuahmah.

Vawlei tuanbia ah tampi hmuh khawh a si. Cucaah, miphun le ram himnak caah tlaihtleng òha tein a ngeimi party kan herh. Mipi zong nih kan dirkamh ding a si.