Updated Breaking News; Ralhrangbu nih KNU zuung 1 cu an tuk i, KNU ralkap 2 le khuami 12 hna cu tlaih an tong

Ralhrangbu nih KNU zuung 1 cu an tuk i, KNU ralkap 2 le khuami 12 hna cu tlaih an tong
====================
Mon Ramkulh, Paung peng, Teeyin(သဲအိမ်) khua le katiak(ကတိုက်) khua lansung ah a um mi KNU Ralkapbu (1) nak zuung cu ralhrangbu nih August 11 zaanlei hrawng ah a tuk i KNU ralkap Saw Myo San le ralkapnu Khin Theit Theit le a pawngkiang khua a um mi Khuami minung 12 zong an tlaih chih i an kal pi hna tiah thawng kan theih.

August ni 11 ah Covid-19 pulrai in a nun nak a liam mi KNU Ralkapbu (1) nak Ralbawibik hlun Ralbawibik. Saw Pa Leh ruakvui pumhnak cu mah zuung in KNU ralkap hna an kal lio ah ralhrangbu nih an tuk hna a si i KNU lei in pa 3 an zam manh i pa 2 cu tlaih an tong tiah KNU ralkapbu 1 nak ralbawi pa 1 nih Salween Press ah a langhter.

“Ralhrangbu nih mah ka hmun ah cun umnak khuar a duh ca’h a tu bantuk in a tuah nak a si, KNU Ralkapbu (1) lei nih a hlan bantuk in kan tuk tthan hna lai. Thil sining cu kan nih lei zong kan ni timhtuah nak kan tuah a herh” tiah KNU Ralkapbu (1) nak ralbawi pa 1 nih Salween Press sin ah a chim.

Tlaihkhih a tong mi KNU ralkap pa 2 le Khuami pa 12 cu Moktamah(မုတ္တမ) Palek sakhan ah tazacuai, sual puh an si tiah Paung peng thongpang hrihram sin in kan theih. Ralhrangbu nih mah zuung an luh hnoh hna i AK meithal 1, M-16 2, M-34 1, 9MM pistor 1, kutcheh bom 3, Kuan 180, Cycle 2, motaw 2 le phaisa sing 14 hna an lak hna tiah thawng theih a si.
Crd. Khit Thit Media

Be the first to comment

Leave a Reply

Your email address will not be published.


*