Updated News; Hakha ah Nungak Lal Par Mawi cu zankhat a tlau hnu ah an hmuh than cang e

Updated News; Hakha ah Nungak Lal Par Mawi cu zankhat a tlau hnu in an hmuh than cang e
=============

September 21 chun 12:00 PM hrawng in nungak Lal Par Mawi (kum 21) cu sadah ka caw lai tiin leng ah a chuak i nihin September 22, 2:40PM (ca kan tial tiang) inn a hlam lo ruang ah chungkhar nih lungrethei in an kawl.

“Kan naunu hi thinlung lei in a damlo mi a si. A holh a tlawm. Voidang zong ah hitihin mi inn ah va kal i um a hmang tawn mi a si. Nizaan September 21 ah khan sadah ka caw lai a ti i atu tiang inn a hlam lo caah a hmu mi nih Phone 09-423198606 ah kan pehtlai hram u,” tiah min langhter lo chungkhar pakhat nih The Hakha Times ah a chim.

Nungak Lal Par Mawi cu Hakha Dawrthar sang ah khuasa mi a si. Anulepa hi Mizoram ah an um, tiah kan theih. “Nizaan naihrawng bomb le meithal thawng a theih ah hin a thil aa tim i Mizoram ah ka kal lai, tiah a chim tawn,” tiah a cunglei chungkhar upa pakhat nih The Hakha Times ah a chimchap. Tu zanlei September ni 22, zanlei Sml. 3:30 hrawng an hmuh than cang tiah The Hakha Times sin ah thawng an pek. Crd; The Hakha Times

Kachin ramkulh, Putaoo(ပူတာအို) pengkomh ah KIA, PDF phu doh ding ah tiah ralhrang phu hna nih sawm in kum-60/70 tluk upa cu raldoh training an kai ter hna tiah Putaoo (ပူတာအို) khuami hna nih an chim. Khawnglanphoe(ခေါင်လန်ဖူး) peng Shingkhaung(ရှိန်းခေါင်) umhmun ah ralhrang phu hruaitu hna nih raldoh training hon dingah Putaoo (ပူတာအို) peng, Nawngmon(နောင်မွန်) peng le Khawnglanphoe (ခေါင်လန်ဖူး) peng ah khuakhat lut khuakhat chuak in training kai ding an khawmhsuat hna nain, training kai ding an um lo caah atu bantukin kum upa kai ding ah an ti hna hi a si.

Ralhrang phu hruaitu hna nih Putaoo (ပူတာအို) pengkomh chung peng 3 ah hmunkhat te le caan khat te ah mipi hna training an kai ding ah lemsoi nak a um nain a kai tu ding an um lo caah Putaoo(ပူတာအို) peng, Khawnglanphoe (ခေါင်လန်ဖူး) peng ah training kai ni cu an thawn tiah theih a si. Hramhram nawlngeihnak la tu ralhrang phu hruaitu hna nih kum-60/70 tluk upa cangmi hna cu atu bantuk raldoh training cawnding in lemsoi nak cu zeitluk in dah thluak an ngei lo.

2020 thimnak ah Yawam(ရ၀မ်) miphun in vuanci pakhat ah thimmi U Gang Jaw Yam nih “kum-60/70 luan cang mi upa hna raldoh training cawnter cu ramkip ralkap upadi he a tlak lo mi a si caah, atu bantuk an thil tuah hi ka doh/ka lungtling lo” tiah social media ah a langhter.
Atu bantukin kum upa cangmi hna raldoh training cawnter an timh mi hna cungah Putaoo (ပူတာအို) khuami hna nih anmah le social media ah an lungthat lo nak an langhter cio. Crd; The Chin Post

Be the first to comment

Leave a Reply

Your email address will not be published.


*